ప్రభాస్-నాగ్ అశ్విన్ మూవీ క్రేజీ అప్‌‌‌‌‌డేట్.. సినిమాటోగ్రాఫర్, మ్యూజిక్ డైరెక్టర్ పేర్లు అనౌన్స్ చేసిన మేకర్స్

Prabhas and Nag Ashwin film : రెబల్ స్టార్ ప్రభాస్ ప్రస్తుతం వరుస భారీ బడ్జెట్ సినిమాలను లైన్ లో పెడుతున్నాడు. ఇప్పటికే రాధాకృష్ణ దర్శకత్వంలో తెరకెక్కుతున్న ‘రాధేశ్యామ్’ సినిమా షూటింగ్ ను పూర్తి చేసాడు డార్లింగ్. ఆతర్వాత ప్రశాంత్ నీల్ డైరెక్షన్ లో సలార్ సినిమాను పట్టాలెక్కించాడు. ఈ సినిమా ఇటీవలే పూజాకార్యక్రమాలు జరుపుకుంది. త్వరలోనే రెగ్యులర్ షూటింగ్ మొదలు కానుంది. మరోవైపు ఆదిపురుష్ సినిమాను కూడా షురూ చేయాలని చూస్తున్నాడు ప్రభాస్. ఈ సినిమాకు బాలీవుడ్ దర్శకుడు ఓ రౌత్ దర్శకత్వం వహిస్తున్నాడు.

అయితే ఈ సినిమాలతో పాటు మహానటి ఫేమ్ నాగ్ అశ్విన్ డైరెక్షన్ లో ఓ భారీ సినిమా చేయబోతున్నాడు ప్రభాస్. ఈ సినిమాసైన్స్ ఫిక్షన్ గా తెరకెక్కుతోందని మొదటినుంచి ప్రచారం జరుగుతుంది. ఇక ఈ సినిమాలో బాలీవుడ్ బ్యూటీ దీపికా పడుకొనే హీరోయిన్ గా వైజయంతి సంస్థ ప్రకటించింది. ఇక బాలీవుడ్ బిగ్ బి అమితాబ్ బచ్చన్ ఈ సినిమాలో కీలక పాత్రలో నటిస్తున్నారు. తాజాగా ఈ సినిమానుంచి మరో అప్డేట్ ఇచ్చారు మేకర్స్ . సినిమాటోగ్రాఫర్ సంగీత దర్శకుల వివరాల్ని వైజయంతి సంస్థ వెల్లడిస్తూ పోస్టర్ ని రిలీజ్ చేసింది. `మహానటి`కి పని చేసిన స్పానిష్ టెక్నీషియన్ డానీ సాంచెజ్ లోపెజ్ ఈ చిత్రానికి సినిమాటోగ్రాఫర్ గా పనిచేయనున్నారు. అలాగే  మిక్కీజే మేయర్ సంగీతాన్ని అందించనున్నారు. ఈ చిత్రాన్ని తెలుగు-తమిళం-హిందీ భారీ రిలీజ్ చేయాలని ప్లాన్ చేస్తున్నారు మేకర్స్.

మరిన్ని ఇక్కడ చదవండి :

Mohan Babu: సీరియస్ లుక్‌లో మోహన్ బాబు.. ‘సన్నాఫ్ ఇండియా’ ఫస్ట్‌లుక్ రిలీజ్