వెబ్ సిరీస్ ప్లాన్ చేస్తున్న పవన్ డైరెక్టర్

తమిళ స్టార్ హీరో అజిత్ కుమార్ తో ‘బిల్లా’,’ఆరంభం’ వంటి సూపర్ హిట్ చిత్రాలు తీశాడు డైరెక్టర్ విష్ణువర్ధన్. అంతేకాదు ఈయన మన పవర్ స్టార్ పవన్ కళ్యాణ్ తో ‘పంజా’ అనే సినిమా కూడా తీశాడు. ఆ సినిమా బాక్స్ ఆఫీస్ దగ్గర ఏవరేజ్ టాక్ తెచ్చుకున్నా విష్ణువర్ధన్ టేకింగ్ కు మంచి మార్కులే పడ్డాయి. ఇకపోతే ప్రస్తుతం ఈ డైరెక్టర్ కొత్త అవతారం ఎత్తబోతున్నాడు.

తాజా సమాచారం ప్రకారం ఈయన త్వరలోనే ఒక వెబ్ సిరీస్ ను నిర్మించనున్నారట. సరికొత్త కథాంశంతో రూపొందే ఈ వెబ్ సిరీస్ లో ప్రముఖ తమిళ నటీనటులను ఎంపిక చేయాలని నిర్మాతలు భావిస్తున్నారట. ఇక డైరెక్టర్ విష్ణువర్ధన్ ఈ సిరీస్ ను కేవలం నిర్మిస్తారట. ఒక నూతన దర్శకుడు ఈ వెబ్ సిరీస్ రూపొందించనున్నారు.

మరోవైపు ప్రస్తుతం డైరెక్టర్ విష్ణువర్ధన్ ‘విక్రమ్ బాత్రా’ అనే సినిమా తెరకెక్కించనున్నాడు. ఇందులో బాలీవుడ్ హీరో సిద్ధార్థ్ మల్హోత్రా ప్రధాన పాత్ర పోషిస్తుండగా ప్రముఖ బాలీవుడ్ నిర్మాత కరణ్ జోహార్ ఈ చిత్రాన్ని నిర్మిస్తున్నారు.