Bimbisara: ఎట్టకేలకు ఓటీటీలోకి వచ్చేస్తున్న బింబిసార.. ఎప్పుడు, ఎక్కడ స్ట్రీమింగ్ అంటే..
ఇక ఈ సినిమా ఎప్పుడెప్పుడు ఓటీటీలోకి రాబోతుందా? అని ఎదురుచూస్తున్నారు ప్రేక్షకులు. అయితే గత కొద్దిరోజులుగా ఈమూవీ ఓటీటీ డేట్ పై నెట్టింట పెద్ద చర్చే నడుస్తోంది.
Updated on: Sep 27, 2022 | 12:05 PM
నందమూరి కళ్యాణ్ రామ్ (Kalyan Ram) చాలా కాలం తర్వాత ప్రధాన పాత్రలో నటించిన లేటేస్ట్ చిత్రం బింబిసార (Bimbisara). ముందు నుంచి ఈ సినిమాపై ప్రేక్షకులకు ఆసక్తిని క్రియేట్ చేస్తూ వచ్చిన ఈ మూవీ.. ఆగస్ట్ 5న విడుదలై బ్లాక్ బస్టర్ హిట్గా నిలిచింది. ఈ సినిమాతో వశిష్ట నూతన దర్శకుడిగా ఇండస్ట్రీకి పరిచయమ్యాడు. మొదటి సినిమాతోనే పరిశ్రమలో తనకంటూ ప్రత్యేక గుర్తింపు తెచ్చుకున్నారు వశిష్ట. ఇందులో భీమ్లా నాయక్ బ్యూటీ సంయుక్త మీనన్.. కేథరిన్ కీలకపాత్రలలో నటించారు. అంతేకాకుండా కళ్యాణ్ రామ్ కెరీర్లోనే అత్యంత ఎక్కువ వసూళ్లు రాబట్టిన చిత్రంగా నిలిచింది. ఇక ఈ సినిమా ఎప్పుడెప్పుడు ఓటీటీలోకి రాబోతుందా? అని ఎదురుచూస్తున్నారు ప్రేక్షకులు. అయితే గత కొద్దిరోజులుగా ఈమూవీ ఓటీటీ డేట్ పై నెట్టింట పెద్ద చర్చే నడుస్తోంది.
ఈ క్రమంలోనే బింబిసార ఓటీటీ స్ట్రీమింగ్ డేట్ ఫిక్స్ అయ్యిందంటూ ఓ వార్త సోషల్ మీడియాలో చక్కర్లు కొడుతుంది. తాజా సమాచారం ప్రకారం ఈ సినిమా ఓటీటీ స్ట్రీమింగ్ హక్కులను జీ5 సొంతం చేసుకున్నట్లు తెలుస్తోంది. అంతేకాకుండా దసరా కానుకగా అక్టోబర్ 7 నుంచి స్ట్రీమింగ్ కానుంది. అయితే ఈ డేట్ కాకుండా అక్టోబర్ 5 నుంచి కూడా స్ట్రీమింగ్ కానున్నట్లు తెలుస్తోంది. మరోవైపు బ్లాక్ బస్టర్ హిట్ చిత్రం కార్తికేయ 2 సైతం జీ5లో అక్టోబర్ 5న స్ట్రీమింగ్ కానుంది. ఈ రెండు సినిమాలపై అధికారిక ప్రకటన రావాల్సి ఉంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
