Prabhas: కృతి సనన్తో ప్రేమాయణంపై ప్రభాస్కు బాలయ్య సూటి ప్రశ్న.. డార్లింగ్ రియాక్షన్ ఇదే..
గురువారం రాత్రి 9 గంటలకు ప్రభాస్ ఎపిసోడ్ స్ట్రీమింగ్ కావాల్సి ఉండగా.. డార్లింగ్ ఫ్యాన్స్ దెబ్బకు ఆహా యాప్ క్రాష్ అయినట్లు అధికారికంగా ప్రకటించింది. దీంతో అభిమానులు కాస్త నిరాశకు గురయ్యారు. ఆ తర్వాత కాస్త ఆలస్యంగా డార్లింగ్ ఎపిసోడ్ స్ట్రీమింగ్ అయ్యింది.
Updated on: Dec 30, 2022 | 7:16 AM
ఎప్పుడెప్పుడా అని వేయి కళ్లతో అభిమానులంతా ఎదురుచూస్తున్న పాన్ ఇండియా స్టార్ ప్రభాస్ అన్స్టాపబుల్ సీజన్ 2 ఎపిసోడ్ వచ్చేసింది. గురువారం రాత్రి 9 గంటలకు ఈ ఎపిసోడ్ స్ట్రీమింగ్ కావాల్సి ఉండగా.. డార్లింగ్ ఫ్యాన్స్ దెబ్బకు ఆహా యాప్ క్రాష్ అయినట్లు అధికారికంగా ప్రకటించింది. దీంతో అభిమానులు కాస్త నిరాశకు గురయ్యారు. ఆ తర్వాత కాస్త ఆలస్యంగా డార్లింగ్ ఎపిసోడ్ స్ట్రీమింగ్ అయ్యింది. ఇందులో ప్రభాస్.. బాలయ్య మధ్య ఎన్నో సరాదా సంభాషణలు జరిగాయి. ఈ క్రమంలో అతని వ్యక్తిగత విషయాల గురించి ఆసక్తికర విషయాలు రాబట్టారు నందమూరి బాలయ్య. అలాగే.. ప్రభాస్ పెళ్లి.. ప్రేమ గురించి కూడా డార్లింగ్ స్పందించారు. బాలీవుడ్ బ్యూటీ కృతి సనన్తో డేటింగ్ అంటూ వచ్చిన వార్తలపై ప్రభాస్ రియాక్ట్ అయ్యారు.
ఇటీవల కృతి సనన్ తో ప్రేమ అంటూ వచ్చిన వార్తల గురించి బాలయ్య అడగ్గా.. ప్రభాస్ స్పందిస్తూ.. తమ మధ్య ఎలాంటి ప్రేమ లేదని.. కేవలం స్నేహం మాత్రమే ఉందని.. ఇదే విషయాన్ని ఇప్పటికే కృతి కూడా క్లారిటీ ఇచ్చిందని అంటూ చెప్పుకొచ్చారు . దీంతో కృతి, ప్రభాస్ గురించి వస్తున్న వార్తలకు చెక్ పడింది.
ఇక తన పెళ్లి గురించి మరోసారి రియాక్ట్ అయ్యారు. మ్యారెజ్ గురించి బాలయ్య అడగ్గా.. తప్పించుకునే ప్రయత్నం చేశారు.. కానీ నందమూరి హీరో అస్సలు ఒప్పుకోలేదు. పెళ్లి తనకు ఇంకా రాసిపెట్టలేదేమో సార్ అంటూ సరదాగా చెప్పారు. తన చిన్ననాటి జ్ఞాపకాలు గుర్తుచేస్తూ.. ప్రభాస్ చైల్డ్ హుడ్ ఫోటోస్ చూపిస్తూ.. ఆట పట్టించారు. అలాగే శ్రుతిహాసన్, హీరోయిన్ ఆసిన్ సైతం బాలయ్యను తెగ పొగిడేవారని.. తను చాలా క్యూట్ అంటూ చెప్పేవారంటూ డార్లింగ్ చెప్పగా.. నన్ను పొగుడుతుంటే నువ్వు ఫీలయ్యావు కదా అన్నారు బాలకృష్ణ.
