‘కలర్‌ ఫొటో’ను వదలుకున్న నిహారిక.. చాందిని మొదటి ఆప్షన్ కాదట
థియేటర్లు తెరుచుకోని వేళ ఓటీటీలో విడుదలై ఘన విజయం సాధించిన చిత్రాల్లో కలర్‌ ఫొటో ఒకటి. సుహాస్‌, చాందినీ, సునీల్‌, వైవా హర్ష తదితరులు కీలక పాత్రల్లో నటించిన
TV9 Telugu Digital Desk | Edited By:
Updated on: Nov 21, 2020 | 9:45 AM
Color Photo movie: థియేటర్లు తెరుచుకోని వేళ ఓటీటీలో విడుదలై ఘన విజయం సాధించిన చిత్రాల్లో కలర్‌ ఫొటో ఒకటి. సుహాస్‌, చాందినీ, సునీల్‌, వైవా హర్ష తదితరులు కీలక పాత్రల్లో నటించిన ఈ ప్రేమ కథకు అన్ని వర్గాల నుంచి పాజిటివ్‌ టాక్ వచ్చింది. టాలీవుడ్‌ టాప్ హీరోలు సైతం కలర్‌ ఫొటోపై ప్రశంసలు కురిపించారు. ఇదిలా ఉంటే ఈ సినిమా గురించి సందీప్ ఇటీవల ఓ ఆసక్తికర విషయాన్ని రివీల్ చేశారు. అదేంటంటే ఈ మూవీకి హీరోయిన్‌గా మొదటి నిహారికను అనుకున్నారట. (నేను వద్దన్నా నా టైటిల్‌ తీసుకున్నావు.. కరణ్‌ జోహార్‌పై ప్రముఖ దర్శకుడు మధుర్‌ బండార్కర్‌ ఫైర్‌)
”ఈ సినిమాకు మొదట నిహారికను సంప్రదించాము. కానీ కొన్ని సొంత కారణాల వలన నిహారిక ఈ ప్రాజెక్ట్‌ని వదులుకుంది. ఆ తరువాత చాందినిని సంప్రదించాము. దీపు పాత్రలో చాందిని జీవించింది, ఆ పాత్రకు జీవం పోసింది” అని సందీప్ చెప్పుకొచ్చారు. కాగా ఈ సినిమాను పలు భాషల్లో రీమేక్ చేసేందుకు ప్రయత్నాలు జరుగుతున్నట్లు సమాచారం. (నవంబర్ 26న ఏపీలో అమూల్‌ ప్రాజెక్ట్‌ ప్రారంభం: మంత్రి సీదిరి అప్పలరాజు)
ఇదిలా ఉంటే మరోవైపు నిహారిక ప్రస్తుతం పెళ్లి పనుల్లో బిజీగా ఉంది. గుంటూరుకు చెందిన చైతన్యను నిహారిక పెళ్లాడనుంది. వీరిద్దరి వివాహం డిసెంబర్‌ 9న రాయ్‌పూర్‌లోని ప్రముఖ హోటల్‌లో జరగనుంది. ఈ క్రమంలో ఇప్పటికే నాగబాబు కుటుంబం రాయ్‌పూర్‌కి వెళ్లినట్లు సమాచారం. (Bigg Boss 4: జున్నును చూసి ఏడ్చేసిన లాస్య.. వీడు నీకంటే స్ట్రాంగ్‌ అన్న మంజునాథ్‌)
