Nayantharaa Chakravarthy: చిత్రపరిశ్రమలో వరుస ఆఫర్లతో దూసుకుపోతున్న మరో నయన్.. జెంటిల్‏‏మన్ 2 సినిమాలో నయనతార చక్రవర్తి..

కోలీవుడ్ స్టార్ ప్రొడ్యూసర్ కె.టి.కుంజుమన్ భారీ ప్రాజెక్ట్ జెంటిల్ మన్ 2 (Gentleman 2) తో తిరిగి నిర్మాణరంగంలోకి వచ్చారు. ఇది అర్జున్ సర్జా, మధు బాల నటించిన బ్లాక్ బస్టర్ మూవీ జెంటిల్మెన్ కి సీక్వెల్‏గా రూపొందనుంది. మలయాళంలో పాపులర్ చైల్డ్ ఆర్టిస్ట్ అయిన నయనతార చక్రవర్తి (Nayantharaa Chakravarthy) జెంటిల్ మన్ 2తో హీరోయిన్ గా పరిచయం అవుతోంది. నటసింహ నందమూరి బాలకృష్ణ ప్రతిష్టాత్మకంగా రూపొందించిన ఎన్టీఆర్ బయోపిక్‏లో అతిధి పాత్ర పోషించిన తర్వాత నయనతార చక్రవర్తి చేస్తున్న సినిమా ఇది. ఈ సినిమాలో మరో కథానాయిక కూడా నటించనున్నారు. ఆమె ఎవరనేది త్వరలో వెల్లడికానుంది. మెగా ప్రొడ్యూసర్ కె.టి.కుంజుమన్ తన ట్విట్టర్‏ లో ఈ విషయాన్ని తెలియజేశారు.. ” ప్రధాన నటిగా నయనతార చక్రవర్తిని పరిచయం చేస్తున్నాము. మరో కథానాయికను త్వరలో వెల్లడిస్తాం” అని పేర్కొన్నారు.

ఈ చిత్రానికి ఎం.ఎం. కీరవాణి సంగీతం అందించనున్నారు. భారీ బడ్జెట్ ఎంటర్టైనర్‏కి సంబంధించిన మరిన్ని వివరాలు మేకర్స్ త్వరలో తెలియజేయనున్నారు. అయితే ముందు నుంచి ఈ సినిమాలో లేడీ సూపర్ స్టార్ నయన్ నటించనుందని.. గత కొద్ది రోజులుగా టాక్ వినిపిస్తోన్న సంగతి తెలిసిందే. ఇందులో మెయిన్ లీడ్‏లో నటించనుందని వార్తలు చక్కర్లు కొడుతున్న నేపథ్యంలో అసలు విషయాన్ని తెలియజేశారు మేకర్స్. 1993లో విడుదలైన జెంటిల్ మెన్ సినిమా బ్లాక్ బస్టర్ హిట్ అయిన సంగతి తెలిసిందే. కన్నడ్ స్టార్ హీరో అర్జున్ సర్జా.. మధుబాల కలిసి నటించిన ఈ సినిమా అప్పట్లో థియేటర్ల వద్ద కలెక్షన్స్ సునామీ సృష్టించింది.

Also Read: Ram Gopal Varma : బాలీవుడ్‌ను తన స్టైల్‌లో కడిగిపారేసిన ఆర్జీవీ.. కాశ్మీర్ ఫైల్స్ పై వర్మ కామెంట్స్

Avatar 2 : అవతార్ 2 ఫ్యాన్స్‌కు అదిరిపోయే న్యూస్.. విజువల్ ట్రీట్ ట్రైలర్ రిలీజ్ అయ్యేది అప్పుడేనా..?

Harish Shankar: బంపర్ ఆఫర్ అందుకున్న హరీష్ శంకర్.. మెగాస్టార్‌తో ఆ మూవీ రీమేక్

RRR Movie: రేటు ఎంతయినా తగ్గేదే లే.. ఆర్ఆర్ఆర్ టికెట్ల కోసం పోటీపడుతున్న ఫ్యాన్స్ .