Jalsa Movie: జల్సా రీ రిలీజ్ వేళ పవన్‌ ఫ్యాన్స్‌కు ఫన్నీ ట్రీట్ ఇచ్చిన ‘జాతిరత్నం’.. వైరల్‌ అవుతోన్న వీడియో..
Jalsa Movie: పవర్‌ స్టార్‌ పవన్‌ కళ్యాణ్‌ కెరీర్‌లో భారీ విజయాన్ని అందుకున్న చిత్రాల్లో జల్సా ఒకటి. త్రివిక్రమ్‌ మార్క్‌ డైలాగ్స్‌, పవన్‌ స్టైల్ ఆఫ్‌ యాక్టింగ్‌, దేవీశ్రీ మ్యాజిక్‌ మ్యూజిక్‌ సినిమాను విజయతీరాలకు చేర్చాయి. ఇప్పటికీ ఈ సినిమా టీవీల్లో వస్తే అతుక్కుపోయే వారు ఎంతో మంది...
Updated on: Sep 01, 2022 | 3:21 PM
Jalsa Movie: పవర్‌ స్టార్‌ పవన్‌ కళ్యాణ్‌ కెరీర్‌లో భారీ విజయాన్ని అందుకున్న చిత్రాల్లో జల్సా ఒకటి. త్రివిక్రమ్‌ మార్క్‌ డైలాగ్స్‌, పవన్‌ స్టైల్ ఆఫ్‌ యాక్టింగ్‌, దేవీశ్రీ మ్యాజిక్‌ మ్యూజిక్‌ సినిమాను విజయతీరాలకు చేర్చాయి. ఇప్పటికీ ఈ సినిమా టీవీల్లో వస్తే అతుక్కుపోయే వారు ఎంతో మంది. ఇదిలా ఉంటే సెప్టెంబర్‌ 2.. పవన్‌ కళ్యాణ్‌ పుట్టిన రోజును పురస్కరించుకొని చిత్ర యూనిట్ గురువారం జల్సాను రీరిలీజ్‌ చేసిన విషయం తెలిసిందే. దీంతో థియేటర్ల వద్ద పవన్‌ అభిమానులు హోరెత్తిస్తున్నారు. కేవలం ఇండియాకే పరిమితం కాకుండా అమెరికాలోనూ జల్సాను మళ్లీ ప్రదర్శిస్తున్నారు.
ఈ నేపథ్యంలో జాతిరత్నాలు సినిమాలోని ఓ డైలాగ్‌ సోషల్ మీడియాలో వైరల్‌ అవుతోంది. సినిమాలో హీరో నవీన్ పొలిశెట్టి, అతని స్నేహితులకు జల్సా సినిమా విడుదల సమయంలో చేసిన హెల్ప్‌ గురించి చెప్పే డైలాగ్‌ నెటిజన్లు ఓ రేంజ్‌లో ఆకట్టుకుంటోంది. ‘2008 సంవత్సరం 27 మార్చి జల్సా సినిమా విడుదల.. నటరాజ్ థియేటర్ సంగారెడ్డి.. ఆ రోజు మీరు కింద ఉన్నారు.. నేను బాల్కనీలో ఉన్నాను. నేను మిమ్మల్ని ఆ రోజు పైకి తీసుకు రాలేదా’ అనే చెప్పే ఫన్నీ డైలగ్‌ను నవీన్ పొలిశెట్టి కూడా ట్విట్‌ చేశాడు. దీంతో ఈ వీడియో ప్రస్తుతం నెట్టింట తెగ వైరల్‌ అవుతోంది. జల్సా సినిమాకు ఉన్న క్రేజ్‌ మరోసారి ట్రెండ్ అవుతోంది.
Natraj theatre , Sangareddy , Jalsa cinema release . Nenu ready. Balcony tickets kavalante cheppandi. Paiki tiskosta mimmalni ? Na nature adi. #Jalsa4K #JalsaOnSep1st #JathiRatnalu https://t.co/HvHQRZKAOC
— Naveen Polishetty (@NaveenPolishety) September 1, 2022
మరిన్ని సినిమా వార్తల కోసం క్లిక్ చేయండి..
