Shyam Singha Roy : జోరు పెంచిన నేచురల్ స్టార్.. శరవేగంగా జరుగుతున్న‘శ్యామ్‌ సింగరాయ్’ షూటింగ్

Shyam Singha Roy : నేచురల్ స్టార్ నాని హీరోగా తెరెక్కుతున్న ‘శ్యామ్‌ సింగరాయ్’ షూటింగ్ శరవేగంగా జరుగుతుంది. ఇప్పటికే  నాని ‘నిన్ను కోరి’ ఫేమ్ శివ నిర్వాణ దర్శకత్వంలో నటిస్తున్న’టక్ జగదీశ్’ సినిమాను పూర్తి చేసే పనిలో ఉన్నాడు. ఆ సినిమాతో పాటు ‘శ్యామ్‌ సింగరాయ్’ కూడా కంప్లీట్  చేస్తున్నాడు. ‘టాక్సీవాలా’ సినిమాతో ప్రేక్షకులను ఆకట్టుకున్న రాహుల్‌ సాంకృత్యాన్‌ దర్శకత్వంలో ఈ సినిమా తెరకెక్కుతుంది.

నాని కెరీర్‌లో 26వ చిత్రంగా రూపొందుతున్న ఈ మూవీలో సాయి పల్లవి, ‘ఉప్పెన’ బ్యూటీ కృతిశెట్టి హీరోయిన్స్ గా నటిస్తున్నారు. ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాల్లో జరుగుతుంది. కలకత్తా నేపథ్యంలో పిరియాడికల్ డ్రామాగా ఈ సినిమాను రూపొందిస్తున్నాడు దర్శకుడు రాహుల్‌ సాంకృత్యాన్‌. ఇందుకోసం రామోజీ ఫిలిం సిటీలో భారీ సెట్ కూడా వేశారని తెలుస్తుంది. ఈ నెల 13 వరకు నాన్ స్టాప్ గా షూటింగ్ జరిపి సంక్రాంతికి చిన్న బ్రేక్ ఇవ్వనున్నారు. ఆతర్వాత మళ్ళీ ఫుల్ స్పీడ్ తో షూటింగ్ మొదలు పెట్టనున్నారు. వెంకట్‌ బోయిన్‌పల్లి ఈ చిత్రాన్ని నిర్మిస్తున్నారు. మిక్కిజేమేయర్ సంగీతం అందిస్తుండగా.. రాహుల్ రవీంద్రన్, మురళీ శర్మ ముఖ్య పాత్రలు పోషిస్తున్నరు. శరవేగంగా షూటింగ్ పూర్తి చేసి సమ్మర్ కు ప్రేక్షకుల ముందుకు తీసుకు రావాలని మేకర్స్ భావిస్తున్నారు.

మరిన్ని ఇక్కడ చదవండి: 

Hero Dhanush: ఆ డైరెక్టర్‏తో హీరో ధనుష్ కొత్త సినిమా.. షూటింగ్ ఫోటోను షేర్ చేసిన దర్శకుడు..

Central government : తమిళనాడు ప్రభుత్వనికి షాక్ ఇచ్చిన కేంద్రం.. నిబంధనలకు విరుద్ధంగా నిర్ణయం తీసుకుందన్న హోంశాఖ..