‘ఎడ్ ఎ మమ్మా’ స్టార్టప్ లాంచ్ చేసిన బాలీవుడ్ టాప్ హీరోయిన్.. పిల్లల కోసమే ప్రత్యేకంగా దుస్తులు..

అతి తక్కువ కాలంలోనే బాలీవుడ్ ఇండస్ట్రీలో మంచి విజయాలను అందుకోని టాప్ హీరోయిన్ స్థాయికి ఎదిగింది అలియాభట్. తాజాగా ఎంటర్‏ప్రెన్యూర్ పాత్రలోకి అడుగుపెట్టింది. 2 నుంచి 14 సంవత్సరాల మధ్య వయసు ఉన్న పిల్లల దుస్తుల కోసం ‘ఎడ్ ఎ మమ్మా’ అనే స్టార్టప్ లాంచే చేసింది ఈ ముద్దుగుమ్మా. ప్రధాని నినాదించిన వోకల్ ఫర్ లోకత్‏లో భాగంగా ఈ స్టార్టప్ మొదలు పెట్టింది.

అలియా మొదలు పెట్టిన ఈ స్టార్టప్ ప్రత్యేకత నేచురల్ ఫ్యాబ్రిక్స్. ప్లాస్టిక్‏తో తయారుచేసిన బటన్స్‏ను ఇందులో ఉపయోగించరు. ఎడ్ ఎ మమ్మా ద్వారా ప్రకృతిని కాపాడాలని అలియా ఆలోచన అనేట్టుగా ఉంది. ఎడ్ ఎ మమ్మా స్టోర్ల సంఖ్య పెంచడంతోపాటు పిల్లల పుస్తకాల ద్వారా స్టోరీలు కూడా చెప్పనున్నట్లుగా సమాచారం. ఇందులో భాగంగా ప్రకృతికి సంబంధించిన కథలను పిల్లలు చెప్పబోతుంది. ప్రతి గార్మెంట్ ఒక కథ చెబుతుంది. ప్రకృతి పట్ల ప్రేమను పెంచుతుంది అనేది అలియా మాట.