మెగాస్టార్ చిరంజీవితో అదిరిపోయే ఛాన్స్ కొట్టేసిన యంగ్ హీరో.. ‘లూసిఫర్’ రిమేక్‏లో కీలకపాత్ర ?

ఇటీవల కాలంలో పలు సస్పెన్స్ థ్రిల్లర్ చిత్రాల్లో నటిస్తూ తనకంటూ ప్రత్యేక గుర్తింపు సంపాదించుకున్నాడు తెలుగు యంగ్ హీరో సత్యదేవ్. ఎలాంటి బ్యాక్ గ్రౌండ్ లేకుండా సినీ ఇండస్ట్రీలోకి అడుగుపెట్టి.. ప్రస్తుతం వరుస సినిమాలు చేస్తూ బిజీగా మారిపోయాడు. తాజాగా ఈ యంగ్ హీరో సూపర్ ఛాన్స్ కొట్టేశాడట.

చాలా కాలం తర్వాత మెగాస్టార్ చిరంజీవి తన ఖైదీ 150 సినిమాతో తన సెకండ్ ఇన్సింగ్స్ మొదలు పెట్టాడు. ఆ తర్వాత చిరంజీవి నటించిన సైరా మంచి విజయాన్ని సాధించింది. ప్రస్తుతం మెగాస్టార్ కొరటాల శివ డైరెక్షన్‏లో ఆచార్య సినిమా చేస్తోన్న సంగతి తెలిసిందే. ఈ మూవీ తర్వాత మెగాస్టార్ మరో మూడు చిత్రాల్లో నటించనున్నట్లుగా టాక్. వీటిలో మలయాళంలో సూపర్ హిట్ సాధించిన ‘లూసిఫర్’ సినిమాను తెలుగులోకి రీమేక్ చేయనున్నారు. మలయాళంలో ఈ చిత్రంలో మోహన్ లాల్ నటించగా.. తెలుగులో చిరంజీవి నటించనుండగా.. మోహన్ రాజా ఈ సినిమాకు దర్శకత్వం వహించనున్నారు. తాజా సమాచారం ప్రకారం ఈ సినిమాలోని ఓ కీలక పాత్రలో టాలీవుడ్ యంగ్ హీరో సత్యదేవ్ నటించనున్నట్లుగా టాక్ వినిపిస్తోంది. ఆ పాత్ర కోసం స్వయంగా చిరంజీవే సత్యదేవ్ పేరును సూచించినట్లుగా వార్తలు వినిపిస్తున్నాయి. ఇందుకు కారణం ఇటీవల సత్యదేవ్, మెగాస్టార్ చిరంజీవిని కలవడం. ప్రస్తుతం వీరిద్దరు కలిసి దిగిన ఫోటో సోషల్ మీడియాలో వైరల్‏గా మారింది. లూసిఫర్ రీమేక్‏లో నిజంగానే ఈ యంగ్ హీరో నటిస్తున్నాడా ? లేదా ? అనేది తెలియాల్సి ఉంది.