Tollywood: ‘నేనింతే’ మూవీ హీరోయిన్ ఇప్పుడెలా ఉంది.. ఏం చేస్తోందో తెలుసా?
2008లో రవితేజ, దర్శకుడు పూరి జగన్నాధ్ కాంబినేషన్లో వచ్చిన 'నేనింతే' మూవీ మీ అందరికీ గుర్తుండొచ్చు..
2008లో రవితేజ, దర్శకుడు పూరి జగన్నాధ్ కాంబినేషన్లో వచ్చిన ‘నేనింతే’ మూవీ మీ అందరికీ గుర్తుండొచ్చు. అప్పట్లో ఎన్నో అంచనాల మధ్య విడుదలైన ఈ చిత్రం బాక్సాఫీస్ దగ్గర కమర్షియల్గా సక్సెస్ కాలేకపోయింది. ఇక ఈ సినిమా ద్వారా తెలుగు ప్రేక్షకులకు పరిచయమైంది హీరోయిన్ సియా గౌతమ్. ఆమె అసలు పేరు అదితి గౌతమ్ కాగా.. సియా గౌతమ్గా తెలుగు ఇండస్ట్రీలోకి అడుగుపెట్టింది. ఆ మూవీలో సంధ్య అనే పాత్రలో తన నటనతో ప్రేక్షకులను మెప్పించి మంచి మార్కులు కొట్టేసింది. ఇక ఆ తర్వాత క్రిష్ దర్శకత్వంలో 2010లో వచ్చిన ‘వేదం’ చిత్రంలో నటించింది సియా గౌతమ్. అయితే ఆ సినిమా సక్సెస్ ఆమెకు పెద్దగా ఉపయోగపడలేదు. మరిన్ని అవకాశాలను తెచ్చిపెట్టలేదు. అందం, అభినయం ఉన్నా అదృష్టం లేకపోవడంతో ‘వేదం’ తర్వాత సియా గౌతమ్ మళ్లీ తెలుగులో కనిపించలేదు.
అయితే 2011లో కన్నడంలో ఓ సినిమా చేసిన సియాకు.. సుమారు 7 ఏళ్ల తర్వాత బాలీవుడ్లో ‘సంజూ’ మూవీ రూపంలో ఛాన్స్ దొరికింది. దీని తర్వాత ఆమెకు ఆఫర్లు రావడం మానేశాయి. సోషల్ మీడియాలో ఎప్పుడూ యాక్టివ్గా ఉంటూ తన ఫోటోలు షేర్ చేస్తోన్న ఈ భామ.. ప్రస్తుతం తన పేరు మీద ఓ యూట్యూబ్ ఛానెల్ నడిపిస్తోంది. అలాగే ముంబైలో తన కుటుంబంతో కలిసి ఉంటోంది. అక్కడే వాళ్ల అన్నయ్యకు సంబంధించిన బిజినెస్లు కూడా చూసుకుంటోంది. మరోవైపు ఖాళీ దొరికనప్పుడల్లా ఆఫర్స్ కోసం ప్రయత్నాలు చేస్తోంది. ఈ క్రమంలోనే గతేడాది గోపీచంద్ హీరోగా వచ్చిన ‘పక్కా కమర్షియల్’ చిత్రంలో ఓ చిన్న పాత్రలో నటించింది.