Dharmavarapu Subramanyam: ఆ కమెడియన్ అంటే చాలా ఇష్టం.. ఇండస్ట్రీలో నాకున్న ఏకైక మిత్రుడు అతడే.. ధర్మవరం..

తెలుగు సినీ పరిశ్రమలో హాస్యనట చక్రవర్తిగా వెలుగొందిన బ్రహ్మానందం అసమాన ప్రతిభ, అంతులేని వినయం, మానవతా దృక్పథంపై దివంగత నటుడు ధర్మవరపు సుబ్రహ్మణ్యం ఒక సందర్భంలో తన ప్రశంసలను కురిపించారు. ఆయన దృష్టిలో బ్రహ్మానందం ఒక నటుడు మాత్రమే కాదు, ఒక తత్వవేత్త, ఒక ఆత్మీయుడు. బ్రహ్మానందం నటనలోని విశిష్టతను వివరిస్తూ, “నాకంటే గొప్ప నటులు చాలామంది ఉన్నారు, నేను వాళ్ల ముందు ఎందుకూ పనికిరాను” అని ఆయన వినయం ప్రదర్శించేవారని ధర్మవరపు గుర్తు చేసుకున్నారు. అయితే బ్రహ్మానందం తానే స్వయంగా “వచ్చిన ప్రతివాడు బ్రహ్మానందం అయిపోదాం అనుకుంటున్నారు, కానీ అది అంత తేలిక కాదు” అని సరదాగా చెప్పేవారని, దానికి ఆయన లాజిక్ కూడా చెప్పేవారని ధర్మవరపు వివరించారు. ఒక పెద్ద బంగళా కట్టించి, అక్కడ వంద మంది వంటవాళ్లను పెట్టి, వారికి కావలసిన సరుకులన్నీ ఇచ్చి, ఒకే రకమైన వంట చేయమంటే ఎవరు ఒకే రకంగా చేయరని బ్రహ్మానందం చెప్పేవారని ధర్మవరపు అన్నారు.

అలాగే, వంద మంది డైరెక్టర్లు ఒకే సీన్ ఇచ్చి చేయమంటే, ఎవ్వడూ బ్రహ్మానందం లాగా చేయలేడు, ఎవడూ నాగార్జున లాగా చేయలేడని బ్రహ్మానందం ఉదాహరించేవారు. అందరికీ అదే స్క్రిప్ట్, అదే సీను ఉన్నప్పటికీ, అందరూ బ్రహ్మానందం లాగా ఎలా చేస్తారయ్యా అని అద్భుతంగా చెప్పేవారు. అంటే, ఆ వేరియేషన్ బ్రహ్మానందం గారికి ఉన్నంతగా తనకు తెలిసి ఇప్పటివరకు ఏ ఆర్టిస్ట్ కూ రాలేదని, రాదని కూడా ధర్మవరపు చెప్పారు. “దట్ ఈజ్ గాడ్ గిఫ్ట్” అని ఆయన ప్రతిభను దైవదత్తంగా అభివర్ణించారు. ఆయనకు అంత నాలెడ్జ్ ఉందని పేర్కొన్నారు.

బ్రహ్మానందం వినయానికి సంబంధించిన ఒక సంఘటనను ధర్మవరపు తెలియజేశారు. ఒకసారి బ్రహ్మానందం ఒక దర్శకుడితో సరదాగా “ఏవండీ, మీరు చాలా పెద్ద లెజెండ్, ఏంటి ఇంత యంగ్ స్టర్లతో చేస్తున్నారు?” అని అడిగారట. దానికి ఆ దర్శకుడు “ఏయ్ పిచ్చోడా! ఎవరు లెజెండ్? వాళ్ళు లెజెండ్, నేను కాదు. ఎందుకంటే ఇప్పుడు ఉన్న కుర్రాలందరూ చదువుకున్న వాళ్లే, నాలెడ్జ్ ఉన్నవాళ్లే. ఒక ఇంజనీరింగ్ చేసినవాడు, ఒక డాక్టర్ చేసినవాడు, రకరకాల ప్రొఫెషన్ నుంచి వచ్చిన వాళ్లు. వాళ్లతో మనం చేయాలంటే చాలా జాగ్రత్తగా చేయాలి. వాళ్లకు మనకంటే ఎక్కువ నాలెడ్జ్ ఉంది. సో, వాళ్ళు లెజెండ్, నేను కాదు” అని చెప్పాడట. అంటే, బ్రహ్మానందం గారికి ఎంత వినయం ఉందో, యువతరాన్ని ఆయన ఎంత గౌరవిస్తారో ఆ మాటలు తెలియజేస్తాయని ధర్మవరపు అన్నారు.

ధర్మవరపు సుబ్రహ్మణ్యం గారు వ్యక్తిగతంగా బ్రహ్మానందం కామెడీ అంటే ఎంతో ఇష్టపడతానని పేర్కొన్నారు. ఆయన నటించిన ఏ సీన్ అయినా వంద సార్లు చూడొచ్చని, మళ్లీ చూడాలనిపిస్తుందని, మళ్లీ చూడాలనిపిస్తుందని అన్నారు. ఒకసారి ఆయన ఎక్కడో షూటింగ్ లో ఉంటే, తాను ఫోన్ చేసి “బ్రాహ్మణి , అందరికీ గ్యాప్ ఇస్తున్నారు, నాకు కూడా ఒకసారి టైమ్ ఇవ్వండి” అని అడిగానని, దానికి బ్రహ్మానందం “అరే తమ్ముడు, అందరికీ అంటే మీనింగ్ ఏంటి? నువ్వు కూడా అందులో ఒకడివి అని. నువ్వు ఎప్పుడైనా రా, నేను ఎక్కడ షూటింగ్ లో ఉన్నా సరే, నా దగ్గరికి వచ్చి నన్ను కలవచ్చు. నీకు అలాంటి అపాయింట్‌మెంట్ ఏమీ లేదు. నువ్వు నా తమ్ముడితో సమానం” అన్నారని ధర్మవరపు గుర్తు చేసుకున్నారు. అది బ్రహ్మానందం గొప్పతనమని, ఆయన ఆత్మీయతకు నిదర్శనమని ధర్మవరపు సుబ్రహ్మణ్యం చెప్పుకొచ్చారు.

ఎక్కువ మంది చదివినవి : Cinema : ఈ సినిమాకు ఏం డిమాండ్ రా బాబూ.. ఓటీటీలో గత్తరలేపుతున్న మూవీ.. ఫ్యామిలీతో అస్సలు చూడలేరు..

బ్రహ్మానందం..

Brahmanandam

ఎక్కువ మంది చదివినవి : Nayanthara : తెలుగులో ఆ హీరో నాకు బెస్ట్ ఫ్రెండ్.. కానీ ఇప్పుడు చాలా బిజీ అయిపోయాడు.. నయనతార..