Shah Rukh Khan: భారీ యాక్షన్ ఎంటర్టైనర్ గా ‘పఠాన్’.. భారీ రెమ్యునరేషన్ అందుకోనున్న బాలీవుడ్ బాద్షా.. ఎంతంటే
బాలీవుడ్ బాద్షా, కింగ్ ఖాన్ షారుక్ ఖాన్ సినిమాకోసం అభిమానులంతా ఎంతో ఆతృతగా ఎదురుచూస్తున్నారు. షారుక్ సాలిడ్ హిట్ కొట్టి చాలా కాలం అయ్యింది.
Shah Rukh Khan : బాలీవుడ్ బాద్షా, కింగ్ ఖాన్ షారుక్ ఖాన్ సినిమాకోసం అభిమానులంతా ఎంతో ఆతృతగా ఎదురుచూస్తున్నారు. షారుక్ సాలిడ్ హిట్ కొట్టి చాలా కాలం అయ్యింది. చెన్నై ఎక్స్ ప్రెస్ సినిమాతర్వాత షారుక్ ఆ రెంజ్ హిట్ అందుకోలేక పోయాడు. చివరిగా వచ్చిన జీరో సినిమా.. అంతకు ముందు వచ్చిన ప్రయోగాత్మక చిత్రం ఫ్యాన్ రెండు షారుక్ అభిమానులను దారుణంగా నిరాశపరిచాయి. ఇదిలా ఉంటే తాజాగా షారుక్ ఓ భారీ సినిమాలో నటిస్తున్న విషయం తెలిసిందే.
యష్ రాజ్ ఫిలింస్ నిర్మిస్తున్న పఠాన్ చిత్రంలో షారూక్ నటిస్తున్నాడు. భారీ యాక్షన్ ఎంటర్టైనర్ గా ఈ సినిమా తెరకెక్కుతుంది. ఈ సినిమా కోసం షారుక్ ఏకంగా 100 కోట్లు పారితోషకం తీసుకుంటున్నట్టు తెలుస్తుంది. ఇప్పటికే బాలీవుడ్ లో స్టార్ హీరోల పారితోషకాలు భారీగానే ఉన్నాయి. అయితే ఆ హీరోల సినిమాలు కూడా అదే రేంజ్ లో కలెక్ట్ కూడా చేస్తున్నాయి. ఈక్రమంలో షారుక్ 100కోట్ల రెమ్యునరేషన్ తీసుకోవడం ఇప్పుడు బాలీవుడ్ లో హాట్ టాపిక్ గా మారింది. ఈ సినిమా 2020 నవంబర్ లో ప్రారంభమైంది. 2022 లో విడుదల కానుంది. దీపికా పదుకొణె హీరోయిన్ గా నటిస్తుండగా జాన్ అబ్రహం ప్రతినాయకుడిగా నటిస్తున్నాడు. ఇక ఈ సినిమాలో కండల వీరుడు సల్మాన్ ఖాన్ గెస్ట్ రోల్ లో కనిపించనున్నాడని తెలుస్తుంది. ఇప్పటికే ఈసినిమానుంచి కొన్ని ఫోటోలు లీక్ అయ్యి సోషల్ మీడియాలో వైరల్ అయ్యాయి. త్వరలోనే ఈ సినిమానుంచి ఫస్ట్ లుక్ ను రిలీజ్ చేయనున్నారు చిత్రయూనిట్.
మరిన్ని ఇక్కడ చదవండి :
Nagarjuna: ఓటీటీలోకి ఎంట్రీ ఇవ్వనున్న నాగార్జున.. ప్రపంచ యుద్దం నేపథ్యంలో వెబ్ సిరీస్..
రష్మికతో కలిసి డిన్నర్కు వెళ్లిన విజయ్ దేవరకొండ.. సోషల్ మీడియాలో వైరల్ అవుతున్న ఫోటో..
