Actress Tabu: షూటింగ్లో ప్రమాదం.. తీవ్రంగా గాయపడిన హీరోయిన్ టబు..
ప్రస్తుతం ఈ మూవీ షూటింగ్ హైదరాబాద్లో జరుగుతుంది. ఈ క్రమంలో తాజాగా చిత్రీకరణంలో పెను ప్రమాదం చోటు చేసుకుందని..
సీనియర్ హీరోయిన్ టబు (tabu) ప్రమాదంలో తీవ్రంగా గాయపడినట్లుగా తెలుస్తోంది. బాలీవుడ్ స్టార్ హీరో అజయ్ దేవగణ్ ప్రధాన పాత్రలో నటిస్తున్న భోలా సినిమా షూటింగ్ ప్రస్తుతం శరవేగంగా జరుగుతుంది. ఇందులో టబు పోలీస్ ఆఫీసర్ పాత్రలో కనిపించనున్నారు. ప్రస్తుతం ఈ మూవీ షూటింగ్ హైదరాబాద్లో జరుగుతుంది. ఈ క్రమంలో తాజాగా చిత్రీకరణంలో పెను ప్రమాదం చోటు చేసుకుందని.. హీరోయిన్ టబు తీవ్రంగా గాయపడినట్లుగా తెలుస్తోంది. ఆమె కంటి గాయమై రక్తస్రావం జరిగిందట.
వివరాల్లోకెలితే.. భోలా షూటింగ్లో భాగంగా ఓ యాక్షన్ సన్నివేశం కోసం టబు దట్టమైన అడవిలో ట్రక్కు నడుపుతుంది. ఆమెను బైక్ పై కొందరు విలన్స్ వెంబడిస్తుంటారు. ఈ క్రమంలోనే వేగంగా వచ్చిన బైక్ ట్రక్కును ఢీకొట్టడంతో ట్రక్కు అద్దాలు పగిలి టబుకు గాయాలయ్యాయని తెలుస్తోంది. కంటికి.. నుదిటిపై.. కనుబొమ్మలకు గాయమై తీవ్రంగా రక్తస్రావం అయినట్లుగా సమాచారం. దీంతో వెంటనే ఆమెను సమీపంలోని ఓ ప్రైవేటు ఆసుపత్రికి తరలించి చికిత్స అందిస్తున్నారట. టబు కోలుకునే వరుక భోలా సినిమా షూటింగ్ నిలిచిపోనుందని మేకర్స్ తెలిపారు. ఈ చిత్రం 2023 మార్చి 30 విడుదల కానుంది.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
