మరో విషాదం.. ప్రముఖ ఆర్టిస్ట్ ఆత్మహత్య

Ram Indranil Kamath suicide: ఈ ఏడాది బాలీవుడ్‌ని వరుస విషాదాలు వెంటాడుతున్నాయి. కొంతమంది ప్రముఖులు అనారోగ్యంతో చికిత్స పొందుతూ మరణించగా.. మరికొందరు బలవన్మరణం చేసుకొని చనిపోయారు. తాజాగా ప్రముఖ ఆర్టిస్ట్‌ రామ్ ఇంద్రనీల్‌ కామత్‌(41) ఆత్మహత్య చేసుకున్నారు. ముంబయి మాతుంగ ప్రాంతంలో తన తల్లి, సోదరితో నివసిస్తోన్న కామత్‌.. ఆగష్టు 19(బుధవారం)న బాత్‌ టబ్‌లో విగతజీవిగా కనిపించారు. వెంటనే కుటుంబ సభ్యులు పోలీసులకు సమాచారం ఇవ్వడంతో.. సంఘటనా స్థలంకు చేరుకున్న వారు సూసైడ్‌ నోట్‌ని స్వాధీనం చేసుకున్నారు. తన చావుకు ఎవరూ కారణం కాదంటూ అందులో కామత్‌ రాసినట్లు తెలుస్తోంది.

కాగా ముంబయిలోని గ్లాస్ వర్క్ పెయింటర్స్‌లో కామత్‌కి మంచి పేరు ఉంది. దీంతో పాటు మంచి ఫొటోగ్రాఫర్‌ అయిన ఇతడికి బాలీవుడ్‌లోని పలువురితోనూ పరిచయాలు ఉన్నాయి. గత కొంత కాలంగా అతడు ఒత్తిడితో బాధపడుతుండగా.. లాక్‌డౌన్ సమయంలో మరింత మనస్తాపానికి గురై ఆత్మహత్య చేసుకున్నట్లు తెలుస్తోంది. ఇక ఆయన మరణంపై పలువురు సెలబ్రిటీలు సంతాపం వ్యక్తం చేస్తున్నారు. ఒక మంచి ఆర్టిస్ట్‌, మంచి ఫ్రెండ్‌ని కోల్పోయానంటూ నటి సుస్మితా సేన్ పోస్ట్ చేశారు.

Read More:

కలిసి ప్రాజెక్ట్ చేయబోతున్న ‘దేవరకొండ బ్రదర్స్‌’!

సీఎం జగన్ శ్రీశైలం పర్యటన రద్దు

https://www.instagram.com/p/CEHIOiIhLTm/?utm_source=ig_embed