ఆర్ఆర్ఆర్ మల్లీ పాప ఇంత పెద్దదైపోయిందా.! ఇప్పుడు ఎలా ఉందో చూస్తే షాక్ అవ్వాల్సిందే!

రాజమౌళి సినిమా వస్తుందంటే చాలు అభిమానుల్లో అంచనాలు భారీగా ఉంటాయి. ఆ అంచనాలకు తగ్గట్టుగానే సినిమాలు బ్రహ్మాండమైన విజయాలను కూడా అందుకుంటుంటాయి. రాజమౌళి చేసిన సినిమాలన్నీ సంచలన విజయాలను అందుకున్నాయి. వివిధ జోనర్స్ లో సినిమాలు తెరకెక్కించి హిట్స్ మీద హిట్స్ అందుకుంటున్నారు.

Rrr

Rajeev Rayala |
Updated on: Oct 25, 2026 | 10:57 AM

దర్శకధీరుడు ఎస్.ఎస్. రాజమౌళి సినిమా వస్తోందంటే చాలు, అభిమానుల్లో అంచనాలు ఆకాశాన్ని తాకుతాయి. ఆ అంచనాలకు ఏమాత్రం తగ్గకుండా ఆయన తెరకెక్కించే ప్రతీ చిత్రం ఒక అద్భుత దృశ్యకావ్యంగా నిలిచిపోతుంది. విభిన్నమైన జోనర్లలో సినిమాలు చేస్తూ వరుస విజయాలతో దూసుకుపోతున్న రాజమౌళి, ‘బాహుబలి’ చిత్రంతో తెలుగు సినిమా స్థాయిని అంతర్జాతీయ స్థాయికి తీసుకెళ్లారు. ఆ తర్వాత వచ్చిన ‘ఆర్ఆర్ఆర్’ తో తన సత్తాను మరోసారి ప్రపంచానికి చాటిచెప్పారు. టాలీవుడ్ స్టార్ హీరోలు రామ్ చరణ్, యంగ్ టైగర్ ఎన్టీఆర్ కలయికలో వచ్చిన ఈ బిగెస్ట్ మల్టీస్టారర్ బాక్సాఫీస్ వద్ద వెయ్యి కోట్లకు పైగా వసూళ్లు సాధించి కొత్త రికార్డులను తిరగరాసింది. ఇద్దరు అగ్ర హీరోల పాత్రలను ఎక్కడా తగ్గకుండా బ్యాలెన్స్‌డ్‌గా చూపిస్తూ రాజమౌళి నడిపిన కథనం ప్రేక్షకులను అబ్బురపరిచింది. గ్లోబల్ వైడ్‌గా సంచలనం సృష్టించిన ఈ చిత్రం ఏకంగా ఆస్కార్ వేదికపై మెరిసి, హాలీవుడ్ దిగ్గజ దర్శకుల ప్రశంసలు సైతం అందుకుంది.

‘ఆర్ఆర్ఆర్’ సినిమాలో నటించిన ప్రతీ ఒక్కరికీ మంచి గుర్తింపు లభించింది. అయితే, కథకు ప్రధాన మూలస్తంభంగా నిలిచిన ‘మల్లి’ పాత్ర ప్రేక్షకులకు బాగా గుర్తుండిపోతుంది. సినిమా ప్రారంభంలోనే “కొమ్మ ఉయ్యాలా.. కోన ఉయ్యాలా.. అంటూ పాట పాడుతూ గోండు పిల్లగా నటించిన ఆ చిన్నారి నటన అందరినీ కట్టిపడేసింది. మల్లి పాత్రలో నటించి అందరి మెప్పు పొందిన ఆ చిన్నారి పేరు ట్వింకిల్ శర్మ. ఆర్ఆర్ఆర్ చిత్రంలో నటించడానికంటే ముందే ఈమె బుల్లితెరపై చాలా ఫేమస్. ప్రముఖ డాన్స్ రియాలిటీ షో ‘డాన్స్ ఇండియా డాన్స్’ ద్వారా పాపులారిటీ సంపాదించుకుంది.

పలు టీవీ షోలలో పాల్గొనడంతో పాటు ప్రముఖ ఇ-కామర్స్ సంస్థ ‘ఫ్లిప్‌కార్ట్’ యాడ్‌లోనూ నటించి మంచి గుర్తింపు తెచ్చుకుంది. ఆ తర్వాత రాజమౌళి కంటపడటంతో ఆర్ఆర్ఆర్ రూపంలో ఆమెకు బంపర్ ఆఫర్ దక్కింది. ఆర్ఆర్ఆర్ సినిమా షూటింగ్ ప్రారంభమైన సమయంలో ట్వింకిల్ శర్మ ఎనిమిదో తరగతి చదువుతుందట. సినిమా పూర్తయ్యే సమయానికి ఆమె ఇంటర్మీడియట్ పూర్తి చేసింది. 2022లో విడుదలై గ్లోబల్ హిట్ కొట్టిన ఈ సినిమా వచ్చి ఇప్పటికి నాలుగేళ్లు పూర్తయిన సందర్భంగా, ట్వింకిల్ శర్మకి సంబంధించిన లేటెస్ట్ ఫొటోలు సోషల్ మీడియాలో తెగ వైరల్ అవుతున్నాయి. సినిమాలో అమాయకపు గోండు పిల్లగా కనిపించిన ఆ చిన్నారి, ఇప్పుడు చాలా గ్లామరస్‌గా, హోమ్లీగా మారిపోయి కనిపించడంతో నెటిజన్లు ఆశ్చర్యపోతున్నారు. “మన మల్లీ పాప ఇంత పెద్దదైపోయిందా.!” అంటూ ఆ ఫొటోలపై కామెంట్ల వర్షం కురిపిస్తున్నారు.