Samantha: మరో ప్రయోగానికి సిద్ధమైన సమంత.. మూడు నెలలపాటు కఠిన శిక్షణకు సిద్ధం..
Samantha: సమంత పేరు వినగానే క్యూట్, గ్లామర్‌ హీరోయిన్‌ అనే భావన అందరిలోనూ కలుగుతుంది. ఏం మాయ చేశావే నుంచి సమంత దాదాపు అన్ని సినిమాల్లో ఇలాంటి పాత్రలనే పోషిస్తూ వచ్చింది. అయితే 2021లో వచ్చిన 'ది ఫ్యామిలీ మ్యాన్ 2' సిరీస్‌ ద్వారా...
Updated on: Aug 25, 2022 | 2:38 PM
Samantha: సమంత పేరు వినగానే క్యూట్, గ్లామర్‌ హీరోయిన్‌ అనే భావన అందరిలోనూ కలుగుతుంది. ఏం మాయ చేశావే నుంచి సమంత దాదాపు అన్ని సినిమాల్లో ఇలాంటి పాత్రలనే పోషిస్తూ వచ్చింది. అయితే 2021లో వచ్చిన ‘ది ఫ్యామిలీ మ్యాన్ 2’ సిరీస్‌ ద్వారా తన స్టైల్ ఆఫ్‌ యాక్టింగ్‌లో ఒక్కసారిగా మార్పు వచ్చింది. ఈ సినిమాలో నెగిటివ్‌ షేడ్స్‌తో పాటు యాక్షన్‌ సన్నివేశాల్లోనూ నటించి మెప్పించింది. ఈ సిరీస్‌తో సమంత ఒక్కసారిగా ఇండియా దృష్టిని తనవైపు తిప్పుకుంది. ప్రస్తుతం సమంతకు బాలీవుడ్‌లో వరుస అకాశాలు క్యూ కడుతున్నాయంటే దానికి ఫ్యామిలీ మ్యాన్ సిరీస్‌ కారణం అని చెప్పడంలో ఎలాంటి సందేహం లేదు.
ఇదిలా ఉంటే ఫ్యామిలీ మ్యాన్ సిరీస్‌ను తెరకెక్కించి రాజ్‌, డీకే దర్శకత్వంలో కొత్త వెబ్ సిరీస్‌లోనూ సమంత నటిస్తోన్న విషయం తెలిసిందే. ఇందులో సమంతకు జోడిగా వరుణ్‌ ధావన్‌ నటిస్తున్నాడు. ఫ్యామిలీ మ్యాన్‌తో పోలిస్తే ఈ సిరీస్‌లో యాక్షన్‌ సన్నివేశాలు మరిన్ని ఎక్కువగా ఉంటాయని సమాచారం. ఇందుకోసమే మేకర్స్‌ నటీనటులకు ప్రత్యేకంగా శిక్షణ ఇవ్వనున్నారని తెలుస్తోంది. అమెరికా వెబ్ సిరీస్‌ సిట్టాల్‌కు రీమేక్‌గా తెరకెక్కిస్తున్న ఈ వెబ్ సిరీస్‌లో సమంత ఫుల్‌ లెంగ్త్‌ యాక్షన్‌ రోల్‌లో నటించనుంది.
ఇందుకోసం ఏకంగా మూడు నెలల పాటు కఠిణ శిక్షణ ఇవ్వడానికి సిద్ధమవుతున్నారని టాక్‌. మరి ఇప్పటి వరకు గ్లామర్‌ డోస్‌తో కుర్రకారును మెస్మరైజ్‌ చేసిన సామ్‌ యాక్షన్‌తో ఏమేర ఆకట్టుకుంటుందో చూడాలి. ఇదిలా ఉంటే సమంత ప్రస్తుతం శాకుంతలం, యశోద, ఖుషీ చిత్రాల్లో నటిస్తోన్న విషయం తెలిసిందే.
మరిన్ని సినిమా వార్తల కోసం క్లిక్ చేయండి..
