అందుకే అరవింద సమేత వదిలేశా: లయ

కెరీర్ లో ఎన్నో మంచి సినిమాల్లో నటించింది హీరోయిన్ లయ. కొన్నాళ్ళకు పెళ్లి చేసుకుని సినిమాలకు ఫుల్ స్టాప్ పెట్టి యు.ఎస్ లో సెటిల్ అయిపొయింది. అయితే కొంత గ్యాప్ తర్వాత రవితేజ నటించిన ‘అమర్ అక్బర్ ఆంటోనీ’ లో చిన్నప్పటి హీరోయిన్ కి తల్లి పాత్రలో నటించింది. అప్పట్లో ఈ సినిమాతో పాటు ఎన్టీఆర్ నటించిన ‘అరవింద సమేత’లో కూడా మంచి పాత్ర ఆఫర్ చేశాడు దర్శకుడు త్రివిక్రమ్. కానీ ఆమె ఈ ఆఫర్ ని తిరస్కరించింది.

దీనిపై ఆమె తాజా ఇంటర్వ్యూ లో స్పందిస్తూ ‘ హీరోలకు తల్లి పాత్రలో కనిపించేంత వయసు తనకి ఇంకా రాలేదని’ అన్నారు. అందుకే అరవింద సమేత లో నటించలేదని చెప్పారు. నటనను  చాలా మిస్ అవుతున్నానని, మంచి పాత్ర దొరికితే తప్పకుండా టాలీవుడ్ లో రీ-ఎంట్రీ ఇస్తానని ఆమె చెప్పారు.