Gang Rape: బీచ్‌లో సరదాగా గడిపేందుకు వచ్చిన జంట.. స్నేహితుడిని బంధించి యువతిపై సామూహిక అఘాయిత్యం..!

సరదా గడిపేందుకు బీచ్‌కు వచ్చిన యువతిపై ముగ్గురు దుర్మార్గులు అఘాయిత్యానికి ఒడిగట్టారు. అంతేకాదు, ఆమెను నగ్నంగా ఫోటోలు తీసి సోషల్ మీడియాలో పెడతామంటూ బ్లాక్ మెయిల్ పాల్పడుతుండటంతో విషయం వెలుగులోకి వచ్చింది.

Gang Rape: బీచ్‌లో సరదాగా గడిపేందుకు వచ్చిన జంట.. స్నేహితుడిని బంధించి యువతిపై సామూహిక అఘాయిత్యం..!
Gang Raped
Balaraju Goud

|

May 13, 2021 | 7:33 AM

Gang Raped: ఆంధ్రప్రదేశ్‌లో కామాంధులు రెచ్చిపోయారు. సరదా గడిపేందుకు బీచ్‌కు వచ్చిన యువతిపై ముగ్గురు దుర్మార్గులు అఘాయిత్యానికి ఒడిగట్టారు. అంతేకాదు, ఆమెను నగ్నంగా ఫోటోలు తీసి సోషల్ మీడియాలో పెడతామంటూ బ్లాక్ మెయిల్ పాల్పడుతుండటంతో విషయం వెలుగులోకి వచ్చింది. తూర్పుగోదావరి జిల్లాకు చెందిన ఓ యువతి స్నేహితుడితో కలిసి సముద్ర తీరానికి వచ్చింది. ఆమెపై కన్నేసిన మద్యం మత్తులో ముగ్గురు కీచకులు సామూహికంగా లైంగికదాడికి పాల్పడ్డారు.

ఉప్పలగుప్తం మండలంలోని ఓ గ్రామానికి చెందిన యువతి(21) 15 రోజుల కిందట అల్లవరంలోని తమ బంధువుల ఇంట్లో శుభకార్యానికి వచ్చింది. ఆ సందర్భంగా స్నేహితుడితో కలిసి కొమరగిరిపట్నం కడదరి ప్రాంతంలో సముద్ర తీరంలో సరదాగా గడిపేందుకు వెళ్లింది. మద్యం తాగి అప్పటికే ఆ ప్రాంతంలో ఉన్న సీతారామపురానికి చెందిన ఇద్దరు యువకులు, సత్యనారాయణపురానికి చెందిన మరో వ్యక్తి వారి వద్దకు వచ్చి.. స్నేహితుడిని బంధించి ఆమెపై సామూహిక లైంగిక దాడికి పాల్పడ్డారు. ఆ తరువాత నగ్నంగా ఉండగా యువతి ఫొటోలు తీశారు. అక్కడి నుంచి తప్పించుకున్న జంట ఎవరి ఇళ్లకు వారు వెళ్లిపోయారు.

ఇదిలావుంటే, పది రోజుల తర్వాత వారిలో ఓ వ్యక్తి యువతి సెల్‌ఫోన్ సేకరించి కాల్ చేయడం మొదలు పెట్టాడు. మళ్లీ తన కోరిక తీర్చాలని, లేదంటే నగ్నచిత్రాలను సోషల్ మీడియాలో పెడతానంటూ బెదిరించాడు. దీంతో బాధితురాలు బంధువులకు జరిగిన అసలు విషయం చెప్పడంతో వారు బుధవారం అల్లవరం పోలీసులకు ఫిర్యాదు చేశారు. ఈ ఘటనకు సంబంధించి కేసు నమోదు చేసుకున్న పోలీసులు దర్యాప్తు చేపట్టారు.

Read Also…  క్రెడిట్ కార్డుతో ఇబ్బందులు పడుతున్నారా ? మీ కార్డ్ క్లోజ్ చేయాలనుకుంటున్నారా? అయితే ఈ స్టెప్స్ ఫాలో అవ్వండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu