Sensational revelation : హత్య కేసులో మరో కొత్త కోణం.. అమ్మాయి కోసం హత్య చేశారా..! కారణం అదేనా?

రెజ్లర్ హత్య కేసుకు సంబంధించి పలు ఆసక్తికర సంగతులను పోలీసుల విచారణలో వెలుగుచూశాయి. ఇంటి అద్దె విషయంలో వచ్చిన వాగ్వాదాలు హత్యకు కారణం కాదన్నది కొత్త కోణం. సోను గర్ల్​ఫ్రెండ్​ వల్లే గొడవ మొదలైనట్లు తెలుస్తోంది. భారత రెజ్లర్​ సుశీల్​ కుమార్​ హత్య కేసుకు సంబంధించి ఆసక్తికర విషయాలు వెలుగులోకి వచ్చాయి. రెజ్లర్ సాగర్​ రానా హత్యకు అసలు కారణం ఇంటి అద్దె కాదని పోలీసుల దర్యాప్తులో తేలింది. మృతుడు సాగర్​ స్నేహితుడు సోను గర్ల్​ఫ్రెండ్​ కారణంగానే గొడవ జరిగినట్లుగా పోలీసులు ఓ నిర్ణాయానికి వచ్చినట్లుగా తెలుస్తోంది

అసలు హత్యకు ముందు ఏం జరిగింది? సుశీల్​కు సంబంధించి ఢిల్లీలోని మోడల్​ టౌన్​ ఫ్లాట్​లో సాగర్​ రానా అద్దెకుండేవాడు. అప్పటికే అద్దె విషయంలో సుశీల్ స్నేహితుడు అజయ్​ పలుమార్లు సాగర్​కు వార్నింగ్ ఇచ్చాడు. ఫ్లాట్​ ఖాళీ చేయాలని సూచించాడు. మార్చిలో సోను​ పుట్టినరోజు సందర్భంగా అతడి స్నేహితురాలి సమక్షంలో వేడుకలు చేయలనుకున్నాడు సాగర్​. అందుకు సంబంధించి ఏర్పాట్లన్నీ పూర్తి చేసుకున్నారు. ప్రత్యేక అతిథిగా సోను గర్ల్​ఫ్రెండ్​ను ఆహ్వానించారు.

ఇవన్నీ తెలిసి అజయ్ ఆ ఫ్లాట్​ వద్దకు చేరుకుని.. సోను గర్ల్​ఫ్రెండ్​తో అసభ్యంగా ప్రవర్తించాడు. దీంతో సాగర్​, సోను.. అజయ్​తో వాగ్వాదానికి దిగారు. అప్పటికే సుశీల్​, సాగర్ మధ్య గొడవలు ఉండడంతో… ఈ విషయాన్ని సుశీల్​కు చెప్పాడు అజయ్​. దీంతో వారిద్దరినీ స్టేడియానికి బలవంతంగా తీసుకొచ్చి వారిపై దాడి చేశాడు సుశీల్ గ్యాంగ్​. ఈ గొడవల్లో తీవ్రంగా గాయపడిన సాగర్​ మే 4న చనిపోయాడు. ఈ విషయాలన్నీ పోలీసులు విచారణలో తెలిసినట్లుగా సమాచారం.

ఇవి కూడా చదవండి : కేంద్రం హెచ్చరిక: అలాంటి ఫోన్‌ కాల్స్‌, మెసేజ్‌లు వస్తే జాగ్రత్త.. లేదంటే మోసపోవాల్సిందే..!

ప్ర‌కాశం జిల్లాలో బ‌య‌ట‌ప‌డ్డ పురాత‌న‌ వెండి నాణేలు.. ఎగ‌బ‌డ్డ స్థానికులు.. వ‌చ్చిప‌డ్డ పోలీసులు