రాజధాని మోటార్ స్పేర్స్ లో భారీ అగ్నిప్రమాదం

హైదరాబాద్ సిద్దింబజార్ లోని రాజధాని మోటార్ స్పేర్స్ గోడౌన్ లో భారీ అగ్ని ప్రమాదం సంభవించింది. విద్యుత్ షార్ట్ సర్క్యూట్ కారణంగా మంటలు అంటుకుని బయటి వరకు ఎగసిపడ్డాయి.

ప్రతి రోజు మాదిరిగానే యజమాని బబ్లు జైన్ గోదాంను తెరిచి లావాదేవీలు కొనసాగిస్తున్నాడు. గోదాంలో స్పెర్ పార్ట్స్ సామాగ్రి తీసుకొని మధ్యాహ్నం 12 గంటలకు సిబ్బంది కిందకు వచ్చారు. ఆ సమయంలో గోదాంలోని ఓ గదిలో నుండి పొగలు రావడంతో అప్రమత్తమైన యజమాని వెంటనే గౌలిగూడా ఫైర్ స్టేషన్ కు సమాచారం ఇచ్చాడు. దాదాపు మూడు గంటల పాటు 8 ఫైర్ ఇంజన్ల సహాయంతో మంటలను అదుపు చేశారు. అయితే ఈ ప్రమాదంలో వివిధ కార్లకు సంబంధించిన లక్షలు విలువ చేసే స్పెర్ పార్ట్స్ అగ్నికి ఆహుతయ్యాయి. ప్రమాదం సంభవించినప్పుడు గోదాంలో ఎవరు లేకపోవడంతో పెను ప్రమాదం తప్పింది.