Odisha: టీచర్‌ వేధింపులతో నిప్పంటించుకున్న విద్యార్థిని… ఒడిశాలోని బాలాసోర్‌లో ఘటన

బాలికతో అసభ్య ప్రవర్తన.. మహిళకు వేధింపులు.. వృద్దురాలిపై అత్యాచారం.. రోజూ ఇలాంటివి ఎక్కడో అక్కడ వింటూనే ఉంటాం… వీటికి భిన్నంగా ఒడిశాలోని బాలసోర్‌లో జరిగిన ఘటన సభ్య సమాజం షాకయ్యేలా చేసింది. కాలేజీలో పాఠాలు చెప్పే ఓ ఉపాధ్యాయుడు తన దగ్గర చదువుకునే విద్యార్థినిపై కన్నేశాడు. లైంగిక కోరిక తీర్చాలంటూ వేధింపులకు గురి చేశాడు. లేదంటే భవిష్యత్తు నాశనం చేస్తానని వార్నింగ్‌లకు దిగాడు. ప్రిన్సిపాల్‌కు ఫిర్యాదు చేసినప్పటికీ ఫలితం లేకపోయింది. దీంతో ఆ విద్యార్థిని ప్రిన్సిపాల్‌ చాంబర్‌ ముందే నిప్పంటించుకుంది. కాలేజీలో కలకలం రేపిన ఈ సంఘటనకు సంబంధించిన వీడియో సోషల్‌ మీడియాలో వైరల్‌ అయ్యింది.

బాధితురాలు ఫకీర్ మోహన్ కాలేజీలో ఇంటిగ్రేటెడ్ బీఎడ్ కోర్సు చదువుతున్నది. హెచ్‌వోడి సమీర్ కుమార్ సాహు యువతిని లైంగికంగా వేధించాడు. కోరిక తీర్చకుంటే భవిష్యత్తును నాశనం చేస్తానని బెదిరించాడు. టీచర్‌ వేధింపులను ఆ విద్యార్థిని భరించలేకపోయింది. జూలై 1న కంప్లైంట్‌ సెల్‌కు ఫిర్యాదు చేసింది. విచారణ జరిపి ఏడు రోజుల్లో చర్యలు తీసుకుంటామని తెలిపారు. కానీ, ఎలాంటి చర్యలు లేకపోవడంతో కాలేజీ ప్రిన్సిపాల్‌ దృష్టికి తీసుకెళ్లింది. మిగతా స్టూడెంట్స్‌తో కలిసి ప్రిన్సిపాల్‌ కార్యాలయం వద్ద నిరసనకు దిగింది. అయితే ఎలాంటి రియాక్షన్‌ లేకపోవడంతో తన ఒంటిపై పెట్రోల్‌ పోసుకుని నిప్పంటించుకుంది.

హఠాత్పరిణామానికి తోటి విద్యార్థులు షాక్‌ అయ్యారు. ఆమెను కాపాడేందుకు ప్రయత్నించారు. ఆ ప్రయత్నంలో ఒక స్టూడెంట్‌కు కూడా మంటలంటుకున్నాయి. ఇద్దరిని భువనేశ్వర్‌లోని ఎయిమ్స్‌కు వారిని తరలించారు. కాగా, ఈ సంఘటనపై విద్యార్థులు ఆందోళన వ్యక్తం చేశారు. కీచక టీచర్‌పై చర్యలు తీసుకోవాలని డిమాండ్‌ చేశారు. బాధ్యులపై కఠిన చర్యలు తీసుకుంటామని ఆ రాష్ట్ర ఉన్నత విద్యా మంత్రి సూర్యబన్షి సూరజ్ ప్రకటించారు. విద్యార్థినిని లైంగికంగా వేధించిన ఉపాధ్యాయుడు సమీర్ కుమార్ సాహును అరెస్ట్‌ చేశారు. కేసు నమోదు చేసి దర్యాప్తు చేపట్టారు.

వీడియో  చూడండి:

#ओडिशा के बालासोर जिले में स्थित एफएम कॉलेज में एक बेहद चौंकाने वाली घटना सामने आई है। यहां कॉलेज की एक छात्रा ने कथित रूप से एक प्राध्यापक द्वारा उत्पीड़न से तंग आकर कॉलेज परिसर के बाहर खुद को आग लगा ली। इस हैरान कर देने वाले सीसीटीवी वीडियो को देखकर किसी की भी रूह कांप जाएगी। pic.twitter.com/9YOvwkxSCV

— Ramdeep Mishra (@ramdeepmishra11) July 12, 2025