Crime News: హైకోర్టులో కానిస్టేబుల్ బలవన్మరణం.. డ్యూటీలో చేరిన కొంతసేపటికే రివాల్వర్‌తో కాల్చుకుని..

Crime News

Police Constable Dies by Suicide: హైకోర్టు వద్ద డ్యూటీలో ఉన్న ఓ కానిస్టేబుల్‌ సర్వీస్‌ రివాల్వర్‌తో బలవన్మరణానికి పాల్పడ్డాడు. ఈ సంఘటన దేశ రాజ‌ధాని ఢిల్లీలో కలకలం సృష్టించింది. హైకోర్టు వ‌ద్ద ఓ పోలీసు కానిస్టేబుల్ ఆత్మహత్య చేసుకున్నట్లు ఢిల్లీ పోలీసులు తెలిపారు. బుధ‌వారం ఉద‌యం 10:15 గంట‌ల‌కు గేట్ నంబ‌ర్ -3 వ‌ద్ద కానిస్టేబుల్ సర్వీస్‌ రివాల్వర్‌తో తనకు తాను కాల్చుకుని ఈ ఘాతుకానికి పాల్పడినట్లు తెలిపారు.

ఆత్మహత్య చేసుకున్న కానిస్టేబుల్‌ రాజ‌స్థాన్ బెటాలియ‌న్‌కు చెందిన టింకూరామ్‌గా పోలీసులు గుర్తించారు. సెల‌వుల త‌ర్వాత కానిస్టేబుల్ టింకూరామ్ ఈ రోజే విధుల్లో చేరాడని ఢిల్లీ పోలీసులు తెలిపారు. వ్యక్తిగత కార‌ణాల‌తోనే టింకూరామ్ ఆత్మహత్య చేసుకుని ఉంటాడ‌ని పోలీసులు భావిస్తున్నారు. ఈ ఘ‌ట‌న‌పై కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు. ఈ ఘటనపై మరిన్ని వివరాలు తెలియాల్సి ఉందని పోలీసులు పేర్కొన్నారు. ఈ ఘటన దేశ రాజధానిలో కలకలం సృష్టించింది.

భారీగా భద్రత ఉండే ప్రదేశాల్లో కాల్పుల సంఘటనలు ఢిల్లీలో భయభ్రాంతులకు గురిచేస్తున్నాయి. ఇటీవల ఢిల్లీలోని కోర్టులో కాల్పులు జరిగిన విషయం తెలిసిందే. ఈ ఘటనలో పలువురు మరణించారు.

Also Read:

Gold Smuggling: వామ్మో.. బంగారం స్మగ్లింగ్‌కు కొత్త దారి.. ప్రయాణికుడు దాచిన ప్రదేశం చూసి షాకైన అధికారులు..

New Crop Varieties: నూతన వంగడాలు రైతన్నల పాలిట వరం.. ప్రభుత్వ చర్యలతో రైతు సంఘాల నిరసనలకు ఇక చెక్..