హీరో, హీరోయిన్‌కు కరోనా.. షాక్‌లో సినీ ఇండస్ట్రీ

ప్రస్తుతం కరోనా వైరస్ అన్ని దేశాలకు విస్తరిస్తోంది. రోజురోజుకూ బాధితుల సంఖ్య పెరుగుతూనే ఉంది. తాజాగా కరోనాను మహమ్మారిగా ప్రకటించింది ప్రపంచ ఆరోగ్య సంస్థ. ఇప్పుడు ఈ వైరస్ ఓ సినీ దంపతులకు..

TV9 Telugu Digital Desk |
Updated on: Mar 12, 2020 | 11:17 AM

ప్రస్తుతం కరోనా వైరస్ అన్ని దేశాలకు విస్తరిస్తోంది. రోజురోజుకూ బాధితుల సంఖ్య పెరుగుతూనే ఉంది. తాజాగా కరోనాను మహమ్మారిగా ప్రకటించింది ప్రపంచ ఆరోగ్య సంస్థ. ఇప్పుడు ఈ వైరస్ ఓ సినీ దంపతులకు కూడా సోకింది. ఆస్కార్ విజేత, హాలీవుడ్ నటుడు టామ్ హాంక్స్, అతని భార్య నటి రిటా విల్సన్ ఇద్దరికీ కరోనా వైరస్ పాజిటీవ్‌ అని తేలింది. ప్రస్తుతం వీరిద్దరూ ఆస్ట్రేలియాలోని ఓ ఆస్పత్రిలో చికిత్స తీసుకుంటున్నారు. ఓ సినిమా నిర్మాణం కోసం ఆస్ట్రేలియా వెళ్లారు ఈ దంపతులు. గత కొద్ది రోజులుగా జ్వరంగా.. అలసటగా ఉండటంతో.. పరీక్షలు చేయించుకున్న వీరికి కరోనా ఉందని తేలింది. ప్రస్తుతం వీరు ఐసోలేషన్ వార్డులో చికిత్స తీసుకుంటున్నారు.

కాగా ఈ విషయం తెలిసి.. హాలీవుడ్ చిత్ర పరిశ్రమ షాక్‌కు గురైంది. ఇప్పటికే అమెరికాలో ఈ వైరస్ వల్ల 38 మంది చనిపోగా.. టామ్ సినీ దంపతులకు సోకడం దిగ్భ్రాంతికి గురి చేసింది. మరోవైపు కరోనా వైరస్ ప్రబలడంతో తన షోను వాయిదా వేసుకున్నానని సింగర్ సీలైన్ డియాన్ ప్రకటించింది.