ప్రముఖ సింగర్ లతా మంగేష్కర్ బిల్డింగ్ సీల్డ్

దేశ వ్యాప్తంగా కరోనా మహమ్మారి స్వైర విహారం చేస్తున్న సంగతి తెలిసిందే. రోజు రోజుకీ కోవిడ్ మహమ్మారి వికృత రూపం దాల్చుతోంది. రోజూ కొత్త‌గా కరోనా పాజిటీవ్ కేసుల సంఖ్య‌, మరణాల సంఖ్య‌ పెరుగుతూనే ఉన్నాయి. ఇక ఇప్ప‌టికే ప‌లువురు సినీ, రాజ‌కీయ‌ ప్ర‌ముఖులు, పోలీసులు, వైద్యులు ఈ వైర‌స్ బారిన ప‌డుతోన్న‌ విష‌యం తెలిసిందే. ఇక అందులోనూ వృద్ధులు, రోగులపై ఈ మహమ్మారి మరింత ఎఫెక్ట్ చూపిస్తోంది. దీంతో ముందస్తు జాగ్రత్తా చర్యలు తీసుకుంటున్నారు.

ఇందులో భాగంగానే ప్రముఖ గాయని లతా మంగేష్కర్ నివసిస్తున్న భవనానికి బీఎంసీ సీల్ వేయాలని నిర్ణయం తీసుకుంది. మేము ఉంటోన్న భవనంలో ఎక్కువగా వృద్ధులు ఉండటంతో భవనం సీల్ చేయనున్నట్లు కాల్ వచ్చిందని లతా మంగేష్కర్ ఓ ప్రకటనలో తెలిపారు. వృద్ధుల భద్రతను దృష్టిలో ఉంచుకుని భవనానికి సీలు వేయాలని బిల్డింగ్ సొసైటీ, బీఎంసీ సంయుక్తంగా నిర్ణయించాయి. భవనంలో ఉన్నవారంతా వ్యాధి విషయంలో అప్రమత్తంగానే ఉంటున్నారని లతా మంగేష్కర్ పేర్కొన్నారు.

Read More:

 ప్రపంచ వ్యాప్తంగా 2.51కోట్ల‌కి చేరిన పాజిటివ్ కేసులు