దయచేసి మా సంసారంలో నిప్పులు పోయకంటూ.. మెగాస్టార్కి వైసీపీ నేత, ప్రముఖ సినీ నిర్మాత పీవీపీ వేడుకుంటున్నారు. చిరంజీవి ఏంటి.. పీవీపీ ఇంట్లో నిప్పులు పోయడమేంటని అనుకుంటున్నారా? అవును ఈ విషయాన్ని పీవీపీనే స్వయంగా ట్విట్టర్లో పోస్ట్ చేశారు.
ఎప్పుడూ తీరకలేని సెలబ్రిటీలు ప్రస్తుతం లాక్డౌన్ కారణంగా ఇళ్లకే పరిమితమయ్యారు కదా. దీంతో రకరకాల ఛాలెంజ్లను విసురుకుంటున్నారు. అందులో భాగంగానే అర్జున్ రెడ్డి డైరెక్టర్ సందీప్ వంగా మగవారికి ‘బీ ద రియల్ మెన్’ అనే ఛాలెంజ్ విసిరిన విషయం తెలిసిందే కదా. ఇప్పుడు దీన్నిసెలబ్రిటీలందరూ స్వీకరిస్తూ.. ఇంటిపనులు చేస్తూ వీడియోలను పోస్ట్ చేస్తున్నారు.
ఇలా యంగ్ టైగర్ ఎన్టీఆర్ విసిరిన ఈ ఛాలెంజ్ను చిరు తనదైన స్టైల్లో చేసి చూపించారు. ఈ ఛాలెంజ్ను తెలంగాణ మంత్రి కేటీఆర్, సూపర్ స్టార్ రజినీ కాంత్, మణిరత్నం వంటి దిగ్గజాలను నామినేట్ చేశారు. అయితే ఇక్కడొచ్చిన చిక్కు ఏంటంటే. చిరు ఉప్మా పెసరట్టు వేసి ఆశ్చర్యపరిచారు. దీనిపై నిర్మాత పీవీపీ ట్వీట్ చేశారు. ఇలా చేసి మా సంసారంలో నిప్పులు పోయవద్దు అంటూ ట్వీట్ చేశారు.
‘చిరంజీవి గారు, ఏదో ఇంట్లో అంట్లు తోమగలము, గచ్చు కడగగలము కానీ మీరిలా స్టార్ చెఫ్లా నలభీమ పాకము వండుతుంటే, మా ఆవిడ మెగాస్టారే చేయగలేనిది, మీకేమిటి అంటున్నారు. దయచేసి మా సంసారంలో నిప్పులు పోయొద్దు రియల్ లైఫ్ మెగాస్టార్ గారు’ అంటూ పీవీపీ చేసిన ట్వీట్ ఇప్పుడు వైరల్గా మారింది.
చిరంజీవి గారు,ఏదో ఇంట్లో అంట్లు తోమగలము,గచ్చు కడగగలము కానీ మీరిలా స్టార్ చెఫ్ లా నలభీమ పాకము వండుతుంటే, మా ఆవిడ మెగాస్టారే చేయగలేనిది, మీకేమిటి అంటున్నారు..మా సంసారంలో నిప్పులు పోయొద్దు రియల్ లైఫ్ మెగాస్టార్ గారు ??
Jokes apart, your continued inspiration is admirable Sir? https://t.co/92jM1sfApr— PVP (@PrasadVPotluri) April 23, 2020
Read More:
అక్షయ తృతీయ బంపర్ ఆఫర్.. ఒక్క రూపాయితో బంగారాన్ని కొనుగోలు చేసుకోవచ్చు!
హైపర్ ఆది పెళ్లి డేట్ ఫిక్స్.. అమ్మాయిది ఏ జిల్లా అంటే!