ఏ దేశాలవారిని అనుమతించాలబ్బా ? ఈయూలో అయోమయం

కరోనా వైరస్ ప్రబలంగా ఉన్న నేపథ్యంలో.. ఏయే దేశాల నుంచి ప్రజలను జులై నుంచి తమ దేశాల్లోకి అనుమతించాలో తెలియక యూరపియన్ యూనియన్ కూటమి అయోమయంలో పడింది. దీనిపై నిర్ణయం తీసుకోవడానికి మరికొంత సమయం అవసరమని ఈ కూటమిలోని కొన్ని సభ్యదేశాలు అభిప్రాయపడ్డాయి. అయితే ప్రస్తుతానికి 14 దేశాల జాబితాను ఈయూ దౌత్య ప్రతినిధులు అంగీకరించారు. అమెరికా, బ్రెజిల్, కెనడా, ఇండియా తప్ప మిగతా దేశాలు ఈ జాబితాలో ఉన్నాయి. అల్జీరియా, ఆస్ట్రేలియా, జపాన్, మాంటినీగ్రో, మొరాకో, రువాండా, సెర్బియా, సౌత్ కొరియా వంటి దేశాలు వీటిలో ఉన్నాయి. చైనా నుంచి ప్రజలు ఎంటర్ కావచ్ఛునని, అయితే యూరపియన్లను కూడా ఆ దేశం అనుమతించాలని ఈయూ షరతు విధించింది. కరోనా వైరస్ వ్యాప్తి కొంతవరకు అదుపులోకి వఛ్చిన పక్షంలో మిగతా దేశాలను కూడా తమ సరిహద్దుల్లోకి అనుమతించాలని ఈ కూటమి అభిప్రాయపడుతోంది.