UGC NET 2022 Exam Dates: యూజీసీ నెట్‌ 2022 పరీక్షలు జులై 8వ తేదీ నుంచి ప్రారంభమవుతాయని యూజీసీ ఛైర్మన్‌ జగదీష్‌ కుమార్‌ శనివారం (జూన్‌ 25) ప్రకటించారు. ఈ ఏడాది 2021 డిసెంబరు, 2022 జూన్‌ పరీక్షలను కలిపి నిర్వహిస్తున్న సంగతి తెలిసిందే. ఈ రెండు సెషన్లకు దరఖాస్తు చేసుకున్న అభ్యర్ధులకు జులై 8,9,11,12 తేదీల్లో, అలాగే ఆగస్టు 12, 13, 14 తేదీల్లో పరీక్షలు జరుగుతాయని జగదీష్‌ కుమార్‌ ట్విటర్‌ ద్వారా వెల్లడించారు. పరీక్షలకు సంబంధించిన వివరణాత్మక నోటిఫికేషన్‌ను త్వరలో అధికారిక వెబ్‌సైట్‌ http://nta.ac.in లేదా https://ugcnet.nta.nic లో ప్రచురిస్తామని ఈ సందర్భంగా ఆయన తెలిపారు. తొలుత విడుదల చేసిన నోటిఫికేషన్‌ ప్రకారం యూజీసీ నెట్‌ పరీక్షలు జూన్‌లో నిర్వహించవల్సి ఉంది.
The dates for the conduct of UGC-NET December 2021 and June 2022 merged cycles are 08, 09, 11, 12 July 2022 and 12, 13, 14 August 2022. The detailed date sheet will be uploaded soon on https://t.co/cUvZGrYigp and https://ugcnet.nta.nic
Best wishes to all the applicants. pic.twitter.com/wAcW62NLKf
— Mamidala Jagadesh Kumar (@mamidala90) June 25, 2022
ఐతే పరీక్షలకు దరఖాస్తు చివరి తేదీని మే 30 వరకు కమిషన్‌ పొడిగించింది. దీంతో పరీక్ష తేదీలు కూడా వాయిదా పడ్డాయి. ఈ మేరకు కొత్త తేదీలను ప్రకటించిన యూజీసీ కొత్త షెడ్యూల్‌ను త్వరలో విడుదల చేయనుంది.
