Free AI Courses: ఉచితంగా ఆన్‌లైన్‌ AI కోర్సులు.. ఒక్క క్లిక్‌తో సులువుగా నేర్చుకోండిక్కడ

Free AI Courses for Beginners

ప్రస్తుతం ప్రపంచ వ్యాప్తంగా ఆర్టిఫిషియల్ ఇంటెలిజెన్స్ (AI) రంగం వేగంగా అభివృద్ధి చెందుతోంది. బడా కంపెనీలు సైతం AIపై ఆధారపడుతున్నాయి. అందుకే జాబ్‌ మార్కెట్లో AI నిపుణులకు డిమాండ్ వేగంగా పెరుగుతుంది. అనేక బహుళజాతి కంపెనీలు AI కోర్సులను ఉచితంగా అందిస్తున్నాయి. ఇందులో IBM, Google, Microsoft, Babson College, HP LIFE వంటి సంస్థలు ఉచితంగా ఏఐ కోర్సులను అందిస్తున్నాయి. AI ప్రారంభ కోర్సులను నేర్చుకోవడానికి జనరేటివ్ AI, మెషిన్ లెర్నింగ్, డీప్ లెర్నింగ్ వరకు ప్రతి కోర్ససులను బోధిస్తున్నారు. ఈ కోర్సులన్నింటిలో అత్యంత ప్రత్యేకమైన విషయం ఏమిటంటే ఇవి విద్యార్ధులు, ప్రొఫెషనల్ ఎవరైనా అందరికీ ఉచితంగా అందిస్తున్నాయి.

గూగుల్ క్లౌడ్‌కి చెందిన AI, మెషిన్ లెర్నింగ్ శిక్షణా వేదిక కొంచెం లోతుగా నేర్చుకోవాలనుకునే వారికి ఒక అవకాశాన్ని అందిస్తోంది. ఇక్కడ Vertex AI, BigQuery ML, TensorFlow వంటి అధునాతన సాధనాలను అలాగే జనరేటివ్ AI, చాట్‌బాట్ డెవలప్‌మెంట్, MLOps వంటి నైపుణ్యాలను నేర్చుకోవచ్చు.

ఈ కోర్సు నేర్చుకోవడం కోసం ఇక్కడ క్లిక్ చేయండి.

మైక్రోసాఫ్ట్‌కి చెందిన ‘AI ఫర్ ఎవ్రీడే టాస్క్స్’ మాడ్యూల్ రోజువారీ జీవితంలో AIని ఉపయోగించడానికి సులభమైన మార్గాన్ని ఉచితంగా నేర్పుతుంది. ఇది ఇమెయిల్‌లను కంపోజ్ చేయడం, అధ్యయన ప్రణాళికలను రూపొందించడం, పాడ్‌కాస్ట్‌లను సిద్ధం చేయడం వంటి స్కిల్స్‌ అందిస్తుంది.

ఈ కోర్సు కోసం ఇక్కడ క్లిక్ చేయండి.

IBM ఉచిత AI నైపుణ్య కోర్సు.. ప్రారంభకులకు అవసరమైన స్కిల్స్‌ నేర్పిస్తుంది. ఇది AI ఫండమెంటల్స్, జనరేటివ్ AI, నైతిక పరిగణనలు, అవసరమైన ఫ్రేమ్‌వర్క్‌లను బోధిస్తుంది. దీనితో పాటు IBM అందించే AI ఫర్ ఎవ్రీవన్ కోర్సు edXలో కూడా అందుబాటులో ఉంటుంది. ఇది మెషిన్ లెర్నింగ్, సులభంగా అర్థం చేసుకోగల భాషలో లోతైన అభ్యాసాన్ని వివరిస్తుంది.

ఈ కోర్సు కోసం ఇక్కడ క్లిక్ చేయండి.

HP LIFE అందించే AI ఫర్ బిగినర్స్ కోర్సు అనేది AI ప్రపంచంలోకి ప్రవేశించడానికి సులభమైన మార్గం. UNIDO సహకారంతో రూపొందించబడిన ఈ కోర్సు మెషిన్ లెర్నింగ్, జనరేటివ్ AI, పెద్ద భాషా నమూనాలు, డేటా పాత్రపై దృష్టి పెడుతుంది.

ఈ కోర్సు కోసం ఇక్కడ క్లిక్ చేయండి.

బాబ్సన్ కాలేజీ అందించే AI ఫర్ లీడర్స్ కోర్సు బిజినెస్‌ నిర్వాహకుల కోసం రూపొందించబడింది. ఇది కేస్ స్టడీస్, ఆచరణాత్మక చర్యల ద్వారా AI వ్యాపార నమూనాలు, కస్టమర్ ఎంగేజ్‌మెంట్‌, వ్యూహాన్ని ఎలా మార్చుకోవాలి వంటి వివరాలు అందిస్తుంది.

ఈ కోర్సు కోసం ఇక్కడ క్లిక్ చేయండి.

మరిన్ని విద్యా, ఉద్యోగ కథనాల కోసం క్లిక్‌ చేయండి.