TSTransco: నిరుద్యోగులకు గుడ్‌ న్యూస్‌.. తెలంగాణ ట్రాన్స్‌కోలో అప్రెంటిస్‌ పోస్టులు. మార్కుల ఆధారంగా ఎంపిక.

Ts Tranco Jobs

నిరుద్యోగులకు తెలంగాణ విద్యుత్ సంస్థ శుభవార్త తెలిపింది. అప్రెంటిస్‌ పోస్టుల భర్తీకి నోటిఫికేషన్‌ జారీ చేసింది. హైదరాబాద్‌లోని ట్రాన్స్‌మిషన్ కార్పొరేషన్ ఆఫ్ తెలంగాణ లిమిటెడ్, కార్పొరేట్ ట్రైనింగ్ ఇన్‌స్టిట్యూట్ ఈ పోస్టులను భర్తీ చేయనుంది. ఈ అప్రెంటిస్‌ శిక్షణ ఏడాది పాటు ఉంటుంది. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 92 గ్రాడ్యుయేట్, టెక్నీషియన్ (డిప్లొమా) అప్రెంటిస్ పోస్టులను భర్తీ చేయనున్నారు.

* ఇంజనీరింగ్ డిగ్రీ (ఈఈఈ, ఈసీఈ, సీఎస్ఈ, మెకానికల్, సివిల్, ఐటీ), డిప్లొమా (డీఈఈ, డీఈసీఈ, డీఎంఈ, డీసీఈ, డీసీఎస్ఈ) విభాగాల్లో ఖాళీలు ఉన్నాయి.

* పైన తెలిపిన పోస్టులకు దరఖాస్తు చేసుకునే అభ్యర్థులు సంబంధిత విభాగంలో డిప్లొమా/డిగ్రీ (ఇంజనీరింగ్/టెక్నాలజీ) 2020/2021/2022 సంవత్సరంలో ఉత్తీర్ణులై ఉండాలి.

* అభ్యర్థుల వయసు 18 ఏళ్లి మించకూడదు.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఎన్‌ఏటీఎస్‌ పోర్టల్‌లో రిజిష్ట్రేషన్‌ చేసుకోవాల్సి ఉంటుంది.

* అభ్యర్థులను డిగ్రీ/డిప్లొమా కోర్సులో అభ్యర్థి పొందిన మార్కులు, డాక్యుమెంట్ వెరిఫికేషన్ ఆధారంగా ఎంపిక చేస్తారు. ఎంపికైన వారికి ఏడాది శిక్షణ ఉంటుంది.

* గ్రాడ్యుయేట్ అప్రెంటిస్ పోస్టులకు ఎంపికైన వారికి నెలకు రూ. 9000, టెక్నీషియన్ అప్రెంటిస్ పోస్టులకు రూ. 8000 స్టైఫండ్‌గా చెల్లిస్తారు.

* ఎన్ఏటీఎస్ పోర్టల్‌లో రిజిస్ట్రేషన్‌కు ఏప్రిల్ 11వ తేదీ, ట్రాన్స్‌కో దరఖాస్తుకు ఏప్రిల్ 12ని చివరి తేదీగా నిర్ణయించారు.

* పూర్తి వివరాల కోసం క్లిక్‌ చేయండి..