TSPSC AE Exam Date: అసిస్టెంట్‌ ఇంజనీర్ పోస్టులకు రాత పరీక్ష తేదీ మార్చాలంటూ విజ్ఞప్తులు

తెలంగాణ రాష్ట్రంలోని వివిధ ప్రభుత్వ శాఖల్లో ఖాళీగా ఉన్న 833 అసిస్టెంట్‌ ఇంజనీర్ పోస్టులకు నోటిఫికేషన్‌ విడుదల చేసిన సంగతి తెలిసిందే. ఈ పోస్టులకు సంబంధించి ఆన్‌లైన్‌ దరఖాస్తు ప్రక్రియ కూడా పూర్తైంది. టీఎస్‌పీఎస్సీ రాత పరీక్ష ద్వారా ఈ పోస్టులను భర్తీ చేయనుంది. ఐతే రాత పరీక్ష తేదీ కూడా ఖరారైంది. వచ్చే ఏడాది ఫిబ్రవరి 12న నిర్వహిస్తున్న రాతపరీక్ష తేదీలోనే ‘ఇంజినీరింగ్‌ గేట్‌’ 2023 పరీక్ష కూడా ఉంది. దీంతో తేదీని మార్చాలని అభ్యర్థులు టీఎస్‌పీఎస్సీకి విజ్ఞప్తి చేస్తున్నారు. ఒకేరోజు 2 పరీక్షలు ఉండటం వల్ల లక్షల మంది ఇంజినీరింగ్‌ అభ్యర్థులకు నష్టం జరుగుతుందని, ఏఈ పోస్టుల రాతపరీక్ష తేదీని మార్చాలని కమిషన్‌ను కోరారు.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.