NIT Rourkela Jobs 2022: నెలకు రూ. 2,18,200ల జీతంతో ఈ కేంద్ర ప్రభుత్వ సంస్థలో 147 నాన్‌ టీచింగ్‌ ఉద్యోగాలు.. ఇంటర్‌/డిగ్రీ అర్హత..

కేంద్ర విద్యాశాఖకు చెందిన ఒడిశా రాష్ట్రంలోని రూర్కెలా- నేషనల్‌ ఇన్‌స్టిట్యూట్‌ ఆఫ్‌ టెక్నాలజీ (ఎన్‌ఐటీ).. 147 నాన్‌ టీచింగ్‌ పోస్టుల భర్తీకి అర్హులైన అభ్యర్ధుల నుంచి దరఖాస్తులు..

NIT Rourkela

Srilakshmi C |
Updated on: Dec 19, 2022 | 1:56 PM

కేంద్ర విద్యాశాఖకు చెందిన ఒడిశా రాష్ట్రంలోని రూర్కెలా- నేషనల్‌ ఇన్‌స్టిట్యూట్‌ ఆఫ్‌ టెక్నాలజీ (ఎన్‌ఐటీ).. 147 నాన్‌ టీచింగ్‌ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతోంది. ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి సంబంధిత స్పెషలైజేషన్‌లో ఇంటర్మీడియట్‌ (10+2)/బ్యాచిలర్స్‌ డిగ్రీ/బీఈ/బీటెక్/మాస్టర్స్ డిగ్రీ/ఎమ్సెస్సీ/ఎమ్‌సీఏ/ఎంబీబీఎస్‌ లేదా తత్సమాన కోర్సులో కనీసం 60 శాతం మార్కులతో ఉత్తీర్ణత పొంది ఉండాలి. అలాగే నోటిఫికేషన్‌లో సూచించిన విధంగా ఆయా పోస్టులకు సంబంధించిన పనిలో అనుభవం కూడా ఉండాలి. వయసు 27 నుంచి 56 ఏళ్ల మధ్య ఉండాలి.

ఆసక్తి కలిగిన వారు ఆన్‌లైన్‌ విధానంలో జనవరి 16, 2023వ తేదీ సాయంత్రం 6 గంటలలోపు దరఖాస్తు చేసుకోవచ్చు. జనరల్ కేటగిరికి చెందిన వారు రూ.1000లు, ఎస్సీ/ఎస్టీ/వికలాంగ అభ్యర్ధులు రూ.500ల చొప్పున రిజిస్ట్రేషన్‌ ఫీజు జనవరి 19వ తేదీలోపు చెల్లించవల్సి ఉంటుంది. రాత పరీక్ష, స్కిల్/ ట్రేడ్ టెస్ట్, ఇంటర్వ్యూ ఆధారంగా తుది ఎంపిక ఉంటుంది. ఎంపికైన వారికి నెలకు రూ.21,700ల నుంచి రూ. 2,18,200ల వరకు జీతంగా చెల్లిస్తారు. పూర్తి వివరాలు అధికారిక నోటిఫికేషన్‌లో చెక్‌ చేసుకోవచ్చు.