Job Mela: నిరుద్యోగులకు గుడ్‌ న్యూస్‌. గుంటూరులో ఆగస్టు 25న జాబ్‌మేళా.. పాల్గొననున్న 6 కంపెనీలు. పూర్తి వివరాలు..

Job Mela: మీరు ఉద్యోగాన్వేషణలో ఉన్నారా.? డిగ్రీ పూర్తి చేసి మంచి ఉద్యోగం కోసం ఎదురు చూస్తున్నారా? అయితే మీ కోసమే ఈ సదావకాశం. గుంటూరులో భారీ జాబ్‌మేళాను నిర్వహించనున్నారు. వచ్చే బుధవారం (25-08-2021) రోజున గుంటూరు జిల్లా ఉపాధి కార్యాలయంలో ఈ జాబ్‌మేళ జరగనుంది. ఇందులో 06 ప్రముఖ కంపెనీలు పాల్గొనున్నాయని జిల్లా ఉపాధి అధికారి డి.దుర్గా బాయి ప్రకటనలో తెలిపారు.

ఎస్‌ఎసీ/ఇంటర్/డిగ్రీ, ఐటీఐ (ఫిట్టర్‌, ఎలక్ట్రికల్‌, మెనాకిల్‌), /బీఎస్‌సీ కెమిస్ట్రీ, బీఎస్‌సీ/ఎమ్‌ఎస్‌సీ, కెమిస్ట్రీ/మైక్రోబయాలజీ, జీఎన్‌ఎమ్‌/బీఎస్‌సీ (నర్సింగ్‌), బీటెక్‌/డిప్లొమా (మెకానికల్‌), ఎమ్‌బీఏ, బీకామ్‌ (కంప్యూటర్స్‌) పూర్తి చేసిన అభ్యర్థులు ఈ జాబ్‌మేళాకు హాజరుకావొచ్చు. జాబ్‌మేళాలో పాల్గొనే అభ్యర్థుల వయసు 18 నుంచి 45 ఏళ్ల మధ్య ఉండాలి. అర్హత, ఆసక్తి ఉన్న అభ్యర్థులు ఆధార్డు కార్డు, రెజ్యూమేతో ఈ నెల 25వ తేదీన ఉదయం పది గంటలకు గుంటూరులోని జిల్లా ఉపాధి కార్యాలయ ప్రాంగణం, గుజ్జనగుండ్లలో హాజరుకావాల్సి ఉంటుంది.

పూర్తి వివరాల కోసం 063-2350060 నెంబర్‌కు సంప్రదించాలని అధికారులు తెలిపారు. అలాగే ఇతర వివరాల కోసం www.nec.gov.in వెబ్‌పోర్టల్‌లో ఆన్‌లైన్‌ జాబ్‌ సీకర్‌గా రిజిస్టర్‌ చేసుకోవాలి. ఒకవేళ ఆన్‌లైన్‌లో దరఖాస్తు చేసుకోకపోతే నేరుగా ఆధార్‌తో పాటు విద్యార్హత సర్టిఫికెట్లతో హాజరుకావొచ్చని అధికారులు తెలిపారు.

Also Read: Megastar Chiranjeevi Birthday: ఆయనకు తమ్ముడిగా పుట్టడం అదృష్టం.. పవర్ స్టార్ భావోద్వేగ శుభాకాంక్షలు..

Rahul Murder Case: పారిశ్రామిక వేత్త రాహుల్ హత్య కేసు.. పోలీసుల అదుపులోకి డ్రైవర్.. వెలుగులోకి సంచలన విషయాలు..

Chiranjeevi: చిరంజీవి – మెహర్‌ రమేష్‌ సినిమా టైటిల్‌ వచ్చేసింది.. మహేష్‌ బాబు చేతుల మీదుగా రిలీజ్‌.