AP TET 2024 Results: మరికాసేపట్లో టెట్ ఫలితాలు వచ్చేస్తున్నాయ్.. రిజల్ట్స్ డైరెక్ట్ లింక్ ఇదే
ఆంధ్రప్రదేశ్ టీచర్ ఎలిజిబిలిటీ టెస్ట్ ఫలితాలు మరికాసేపట్లో మంత్రి నారా లోకేష్ చేతుల మీదుగా విడుదల కానున్నాయి. దీంతో దాదాపు 4 లక్షల మంది అభ్యర్ధులు టెట్ ఫలితాల కోసం ఆశగా ఎదురు చూస్తున్నారు. ఫలితాల విడుదల అనంతరం మార్కులను ఈ కింది డైరెక్ట్ లింక్ ద్వారా నేరుగా డౌన్ లోడ్ చేసుకోవచ్చు..
Updated on: Nov 04, 2024 | 6:27 AM
అమరావతి, నవంబర్ 4: ఆంధ్రప్రదేశ్ టీచర్ ఎలిజిబిలిటీ టెస్ట్ (ఏపీ టెట్ జులై-2024) ఫలితాలు సోమవారం (నవంబర్ 4) విడుదలకానున్నాయి. ఈ రోజు మంత్రి నారా లోకేశ్ విడుదల చేయనున్నారు. గతంలో ఇచ్చిన షెడ్యూల్ ప్రకారం నవంబర్ 2వ తేదీన ఫలితాలు వెల్లడి కావాల్సిఉండగా.. తుది కీ విడుదలలో జాప్యం చోటు చేసుకోవడం వల్ల ఫలితాల వెల్లడి వాయిదా పడింది. ఈ మేరకు సోమవారం టెట్ ఫలితాల వెల్లడికి విద్యాశాఖ అన్ని ఏర్పాట్లు చేస్తోంది. ఇప్పటికే రెస్పాన్స్ షీట్లు, ఫైనల్ కీ వెల్లడైన విషయం తెలిసిందే.
కాగా ఏపీ టెట్ పరీక్షలు అక్టోబర్ 3 నుంచి 21వ తేదీ వరకు మొత్తం 17 రోజుల పాటు నిర్వహించారు. టెట్కు మొత్తం 4,27,300 మంది దరఖాస్తు చేసుకోగా.. వారిలో 3,68,661 మంది అంటే 86.28% మంది పరీక్షలకు హాజరయ్యారు. టెట్ మార్కులకు డీఎస్సీ పరీక్షలో 20 శాతం వెయిటేజీ ఉంటుంది. టెట్ స్కోర్కు జీవిత కాల వ్యాలిడిటీ ఉంటుంది. మెగా డీఎస్సీ నేపథ్యంలో టెట్ ఫలితాల కోసం అభ్యర్ధులు వేయి కళ్లతో ఎదురు చూస్తున్నారు. ఫలితాలు విడుదలైన తర్వాత అధికారిక వెబ్సైట్లో ఫలితాలు చెక్ చేసుకోవచ్చు.
ఏపీ టెట్ జులై-2024 ఫలితాల కోసం ఇక్కడ క్లిక్ చేయండి.
టెట్ ఉత్తీర్ణత శాతం కమ్యూనిటీ వారీగా వేరువేరుగా ఉంటుందనే సంగతి తెలిసిందే. ఓసీ(జనరల్) కేటగిరీలో 60 శాతం మార్కులు ఆపైన వస్తే ఉత్తీర్ణత పొందినట్లు అవుతుంది. ఇక బీసీ కేటగిరీలో 50 శాతం మార్కులు ఆపైన, ఎస్సీ/ ఎస్టీ/ పీహెచ్/ ఎక్స్ సర్వీస్మెన్ కేటగిరీలో 40 శాతం మార్కులు ఆపైన మార్కులు పొందిన వారు మాత్రమే టెట్లో ఉత్తీర్ణత సాధిస్తారు.
