Aadhar Link to Bank Account: మీ బ్యాంక్ అకౌంట్‌తో ఆధార్ లింక్ అయ్యిందా? మొబైల్‌లోనే ఇలా చెక్ చేసుకోండి..
Aadhar Link to Bank Account: ఆధార్.. ఆధార్.. ఆధార్.. ప్రభుత్వం పనులు మొదలు.. ఏ పనికైనా ఈ ఆధార్ కార్డు అత్యంత ప్రామాణికంగా మారింది.
Aadhar Link to Bank Account: ఆధార్.. ఆధార్.. ఆధార్.. ప్రభుత్వం పనులు మొదలు.. ఏ పనికైనా ఈ ఆధార్ కార్డు అత్యంత ప్రామాణికంగా మారింది. ఆధార్ లేకపోతే ఏ పని కూడా కాని పరిస్థితి నెలకొంది. ఇంతకాలం ఆధార్ తప్పనిసరిగా కాదు అంటూ చెప్పుకున్న ప్రభుత్వాలు.. ఇప్పుడు ప్రతీ పనికి ఆధార్ తప్పనిసరిగా చేస్తూ వస్తున్నాయి. తాజాగా బ్యాంక్ అకౌంట్‌కు ఆధార్ అనుసంధానం తప్పనిసరి చేసింది కేంద్ర ప్రభుత్వం. మార్చి 31వ తేదీ లోపు అన్ని రకాల బ్యాంక్ ఖాతాలకు ఆధార్ నంబర్‌తో లింక్ చేసుకోవాలని కేంద్ర ఆర్థిక శాఖ మంత్రి నిర్మలా సీతారామన్ గతంలో స్పష్టమైన ప్రకటన చేశారు. నిర్ణతీయ గడువులోగా బ్యాంక్ ఖాతాలకు ఆధార్ అనుసంధానం చేయకపోతే ఇబ్బందులు పడాల్సి వస్తుందని, బ్యాంక్ అకౌంట్ పని చేయకపోవచ్చునని కూడా తెలిపారు. అందుకే ప్రజలందరూ తమ బ్యాంక్ ఖాతాకు ఆధార్‌ను అనుసంధానం చేస్తున్నారు.
కాగా, ఆధార్ నెంబర్‌తో బ్యాంక్ అకౌంట్ లింక్ అయ్యిందా? లేదా అనే అనుమానాలు సహజంగానే అందరికీ వస్తాయి. ఈ నేపథ్యంలోనే మీరు మీ ఆధార్.. బ్యాంక్ ఖాతాతో లింక్ అయ్యిందా? లేదా? అనేది సులువుగా తెలుసుకోవచ్చు. కేవలం ఆధార్ నెంబర్‌తో మీ మొబైల్ ఫోన్ నెంర్ లింక్ అయితే చాలు బ్యాంక్ అకౌంట్, ఆధార్ లింక్ సులభంగా తెలుసుకోవచ్చు. మరి అదెలాగో ఇప్పుడు తెలుసుకుందాం. ముందుగా మీరు https://resident.uidai.gov.in/bank-mapper వెబ్‌సైట్‌కో వెళ్లాల్సి ఉంటుంది. సైట్ ఓపెన్ అవగానే.. అక్కడ మీ ఆధార్ నెంబర్ ఎంటర్ చేయమని అడుగుతుంది. దాని ప్రకారం ఆధార్ నెంబర్‌ను ఎంటర్ చేయాల్సి ఉంటుంది. అలాగే సెక్యూరిటీ కోడ్ క్యాప్చాను ఎంటర్ చేయాల్సి ఉంటుంది. ఆ రెండూ ఎంటర్ చేసిన తరువాత ఓటీపీ వస్తుంది. మీ మొబైల్‌కి వచ్చిన ఓటీపీని కూడా ఎంటర్ చేయాలి. ఇప్పుడు మీ ఆధార్ నెంబర్‌తో లింక్ అయిన బ్యాంక్ అకౌంట్ వివరాలు మీకు కనిపిస్తాయి. ఒకవేళ మీ బ్యాంక్ ఖాతాలకు ఆధార్ అనుసంధానం కానట్లయితే.. మార్చి 31 వ తేదీలో పు లింక్ చేసుకోండి.
Also read:
