EPF: ఇంట్లోంచే మీ పీఎఫ్ ఖాతాకి బ్యాంకు ఎకౌంట్ లింక్ చేయవచ్చు.. ఎలానో తెలుసుకోండి!
ఎంప్లాయి ప్రావిడెంట్ ఫండ్(EPFO)లో మీ బ్యాంక్ ఖాతా గురించి సరైన సమాచారాన్ని కలిగి ఉండటం చాలా ముఖ్యం. తప్పు బ్యాంక్ ఖాతా సమాచారం కారణంగా, మీ డబ్బును విత్‌డ్రా చేయడంలో మీరు సమస్యను ఎదుర్కోవచ్చు.
EPF: ఎంప్లాయి ప్రావిడెంట్ ఫండ్(EPFO)లో మీ బ్యాంక్ ఖాతా గురించి సరైన సమాచారాన్ని కలిగి ఉండటం చాలా ముఖ్యం. తప్పు బ్యాంక్ ఖాతా సమాచారం కారణంగా, మీ డబ్బును విత్‌డ్రా చేయడంలో మీరు సమస్యను ఎదుర్కోవచ్చు. మీరు ఈపీఎఫ్ లో పాత లేదా తప్పు ఖాతా సంఖ్యను కలిగి ఉన్నట్లయితే, మీరు దానిని యూనివర్సల్ ఖాతా నంబర్ లేదా యూఏఎన్(UAN) ద్వారా సులభంగా అప్‌డేట్ చేయవచ్చు. ఇంట్లో కూర్చొని ఈపీఎఫ్ లో మీ బ్యాంక్ ఖాతాను ఎలా అప్‌డేట్ చేయవచ్చో ఇప్పుడు తెలుసుకుందాం.
PF ఖాతా కోసం బ్యాంక్ ఖాతా వివరాలను అప్‌డేట్ చేయండి ఇలా..
- EPFO అధికారిక వెబ్‌సైట్‌ని సందర్శించి లాగిన్ అవ్వండి.
- పైన కనిపించే మెనులో ‘నిర్వహించు’ ట్యాబ్‌పై క్లిక్ చేయండి.
- డ్రాప్ డౌన్ మెను నుండి ‘KYC’ ఎంపికకు వెళ్లి, డాక్యుమెంట్ టైప్‌లో ‘బ్యాంక్’ ఎంచుకోండి.
- బ్యాంక్ ఖాతా నంబర్, IFSC కోడ్‌తో సహా కొత్త బ్యాంక్ ఖాతా వివరాలను నమోదు చేయండి.
- ఆ తర్వాత ‘సేవ్’పై క్లిక్ చేయండి. దీని తర్వాత మీ అభ్యర్థన ‘కేవైసీ ఆమోదం కోసం పెండింగ్‌లో ఉంది’గా అక్కడ మెసేజ్ కనిపిస్తుంది.
- తరువాత అవసరమైన పత్రాలను మీరు పని చేసే సంస్థ యజమానికి సమర్పించండి.
- మీ యజమాని ఆమోదం పొందిన తర్వాత, ‘అప్రూవల్ కోసం పెండింగ్‌లో ఉన్న KYC’ ‘డిజిటల్ ఆమోదించిన KYC’కి మారుతుంది.
- EPFO సభ్యుని బ్యాంక్ ఖాతా SBI వద్ద ఉంటే, అది బ్యాంకు ద్వారా డిజిటల్‌గా ధృవీకరించబడుతుంది.
- SBI కస్టమర్లు ఈ ప్రత్యేక సౌకర్యాన్ని పొందుతారు.
ఖాతాకు బదిలీ చేసిన PF వడ్డీని ఉద్యోగుల ప్రావిడెంట్ ఫండ్ ఆర్గనైజేషన్ (EPFO) 2020-21 ఆర్థిక సంవత్సరానికి సంబంధించిన వడ్డీని చందాదారుల ఖాతాకు బదిలీ చేయడం ప్రారంభించింది. EPFO 8.50% చొప్పున PF పై వడ్డీని చెల్లించాలి. మీ ఖాతాలో వడ్డీ వచ్చిందో లేదో ఇంట్లో కూర్చొని చెక్ చేసుకోవచ్చు.
మీరు పీఎఫ్ బ్యాలెన్స్‌ని ఇలా చెక్ చేసుకోవచ్చు
ఆన్‌లైన్‌లో మీ బ్యాలెన్స్‌ని చెక్ చేయడానికి, PF పాస్‌బుక్ పోర్టల్ ని సందర్శించండి. మీ UAN.. పాస్‌వర్డ్ ఉపయోగించి ఈ పోర్టల్‌కి లాగిన్ చేయండి. దీనిలో, డౌన్‌లోడ్ / వ్యూ పాస్‌బుక్‌పై క్లిక్ చేయండి, ఆపై పాస్‌బుక్ మీ ముందు ఓపెన్ అవుతుంది. అందులో మీరు బ్యాలెన్స్ చూడవచ్చు.
ఇవి కూడా చదవండి: Changing Rules: మారుతున్న రూల్స్..ఇకపై వస్తువుల ప్యాకేజీలపై ఎమార్పీతో పాటు దానిని కూడా చెప్పాల్సిందే!
Low Blood Pressure: మీకు తెలుసా? లోబీపీ కూడా స్ట్రోక్‌కు కారణం అవుతుంది.. జాగ్రత్తలు తప్పనిసరి!
