Wood vs UPVC Windows: వుడ్ విండోస్ వర్సెస్ యూపీవీసీ విండోస్.. తక్కువ ఖర్చులో మీ ఇంటికి ఏది బెస్ట్‌..!

Wood vs UPVC Windows:ఇంటి నిర్మాణంలో కిటికీల ఎంపిక అనేది ఇంటి సౌందర్యానికి, మన్నికకు, నిర్వహణ ఖర్చులకు చాలా ముఖ్యమైనది. మార్కెట్‌లో ప్రస్తుతం రెండు ప్రధాన రకాల కిటికీలు అందుబాటులో ఉన్నాయి: అవి చెక్క (వుడ్) కిటికీలు, యూపీవీసీ (UPVC) కిటికీలు. ఈ రెండింటి మధ్య గల తేడాలను, వాటి ఖర్చులను, ప్రయోజనాలను, నష్టాల గురించి తెలుసుకుందాం. కిటికీల ఎంపికలో ఖర్చు ఒక ప్రధాన అంశం. 3 అడుగుల వెడల్పు, 4 అడుగుల ఎత్తు గల ఒక సాధారణ కిటికీని ఉదాహరణగా తీసుకుంటే:

చెక్క కిటికీ (వుడ్ విండో): దిగుమతి చేసుకున్న కలపతో (ఇంపోర్టెడ్ వుడ్) చేసే కిటికీకి కేవలం ఫ్రేమ్‌కు రూ.4,500 నుండి రూ.5,000 వరకు ఖర్చవుతుంది. లేబర్ ఖర్చు రూ.1,000 వరకు ఉంటుంది. రెక్కలు, గ్లాస్, దోమల మెష్, గ్రిల్ వంటివి కలిపి మొత్తం మీద రూ.15,000 వరకు బడ్జెట్ అవుతుంది. దీనికి పెయింటింగ్, పాలిషింగ్ వంటివి అదనం. టేకు వంటి నాణ్యమైన కలప ఎంచుకుంటే ఖర్చు ఇంకా ఎక్కువగా ఉంటుంది.

ఇది కూడా చదవండి: Biryani Business: బిర్యానీ బిజినెస్‌ గురించి మీకు తెలుసా..? రూ.1.35 లక్షల సంపాదన..!

ఇవి కూడా చదవండి

రేకుల ఇంటికి ఏ సీలింగ్ బెస్ట్? ఎంత ఖర్చు.. ?ప్రయోజనాలు ఏంటి?

వాటర్‌ ప్లాంట్‌ ఏర్పాటుకు ఎంత ఖర్చు అవుతుంది? నెలకు ఎంత ఆదాయం?

వాషింగ్ మెషీన్‌కు ఏ డిటర్జెంట్ ఉత్తమమైనది?

మొక్క జొన్న ఉడకబెట్టి తినడం మంచిదా? కాల్చి తినడం మంచిదా?

యూపీవీసీ కిటికీ (UPVC విండో): యూపీవీసీ కిటికీలు చదరపు అడుగుల ఆధారంగా ధర నిర్ణయిస్తారు. 3×4 అడుగుల కిటికీ 12 చదరపు అడుగులు అవుతుంది. మంచి నాణ్యత గల యూపీవీసీ కిటికీకి చదరపు అడుగుకు రూ.450 నుండి రూ.500 వరకు ఖర్చవుతుంది. అంటే కిటికీకి రూ.5,400 (ఫిట్టింగ్‌తో కలిపి) అవుతుంది. దీనికి గ్రిల్ కావాలంటే చదరపు అడుగుకు రూ.150 చొప్పున అదనంగా రూ.1,800 ఖర్చవుతుంది. మొత్తం మీద యూపీవీసీ కిటికీకి రూ.7,200 వరకు అవుతుంది. ఈ లెక్కల ప్రకారం, యూపీవీసీ కిటికీల ఖర్చు చెక్క కిటికీల కంటే దాదాపు సగం ఉంటుంది.

ప్రయోజనాలు, నష్టాలు:

1. పర్యావరణ అనుకూలత:

• చెక్క కిటికీలు: ఇవి చెట్లను నరికి తయారు చేస్తారు కాబట్టి, పర్యావరణానికి అంతగా అనుకూలమైనవి కావు.
• యూపీవీసీ కిటికీలు: ప్లాస్టిక్ ఆధారితమైనవి. పునర్వినియోగపరచదగినవి. ఉత్పత్తి పరంగా పర్యావరణ అనుకూలమైనవి.

2. సాంప్రదాయ రూపం

• చెక్క కిటికీలు: సహజమైన, ప్రీమియం, సాంప్రదాయ రూపాన్ని అందిస్తాయి. నచ్చిన డిజైన్‌లలో, రంగులలో తయారు చేసుకోవచ్చు.
• యూపీవీసీ కిటికీలు: వీటిలో పరిమిత సంఖ్యలో డిజైన్‌లు, రంగులు మాత్రమే అందుబాటులో ఉంటాయి. ఆధునిక రూపాన్ని ఇస్తాయి.

3. మన్నిక, నిర్వహణ:

• చెక్క కిటికీలు: దీర్ఘకాలం మన్నికైనవి అయినప్పటికీ, వీటికి అధిక నిర్వహణ అవసరం. ప్రతి 5-6 సంవత్సరాలకు పెయింటింగ్ లేదా పాలిషింగ్ చేయించాలి. చెదలు పట్టే అవకాశం ఉంది. వర్షానికి తడిస్తే ఉబ్బడం, పగలడం వంటి సమస్యలు వస్తాయి.
• యూపీవీసీ కిటికీలు: తక్కువ నిర్వహణ అవసరం. చెదలు పట్టవు, నీటి నిరోధకమైనవి. వర్షానికి తడిసినా ఎటువంటి సమస్యలు ఉండవు. బాగా ఎండ తగిలే ప్రదేశాలలో రంగు మారే అవకాశం ఉంటుంది.

4. ఇన్సులేషన్:

• రెండు రకాలు: వేడి, చలి గాలులు ఇంట్లోకి రాకుండా నిరోధించడంలో, అలాగే బయటి శబ్ద కాలుష్యాన్ని తగ్గించడంలో (సౌండ్ ఇన్సులేషన్) చెక్క, యూపీవీసీ కిటికీలు రెండూ సమర్థవంతంగా పనిచేస్తాయి.

5. మరమ్మత్తులు:

• చెక్క కిటికీలు: వీటికి మరమ్మత్తులు చేయడం సులభం, వాటిని రిపేర్ చేసే నిపుణులు సులభంగా అందుబాటులో ఉంటారు.
• యూపీవీసీ కిటికీలు: వీటికి మరమ్మత్తులు చేయడం కష్టం, లేదా సాధ్యం కాదు.

తుది నిర్ణయం:

బడ్జెట్ ప్రధానంగా చూసుకుంటే, యూపీవీసీ కిటికీలు తక్కువ ఖర్చుతో కూడుకున్నవి. తక్కువ నిర్వహణ అవసరం. ఇవి ఆధునిక నిర్మాణాలకు అనుకూలం. మంచి ప్రీమియం, సాంప్రదాయ లేదా లగ్జరీ రూపాన్ని కోరుకునే వారికి, బడ్జెట్ సమస్య లేని వారికి చెక్క కిటికీలు ఉత్తమ ఎంపిక. నేడు చాలా మంది ప్రధాన ద్వారం, ప్రధాన కిటికీలకు చెక్కను ఎంచుకుని, మిగతా అంతర్గత కిటికీలకు యూపీవీసీని వినియోగిస్తున్నారు. మీ వ్యక్తిగత అభిరుచి, అవసరాలకు అనుగుణంగా సరైన ఎంపిక చేసుకోవచ్చు.

ఇది కూడా చదవండి: Dogs: కుక్కలు వాహనాల టైర్లపై మాత్రమే మూత్రం ఎందుకు పోస్తాయి? వామ్మో దీని వెనుక ఇంత అర్థం ఉందా?

ఇది కూడా చదవండి: మొక్క జొన్న ఉడకబెట్టి తినడం మంచిదా? కాల్చి తినడం మంచిదా? డాక్టర్లు ఏం చెబుతున్నారు?

మరిన్ని బిజినెస్ వార్తల కోసం ఇక్కడ క్లిక్ చేయండి