Business Idea: వావ్! పిల్లలకు పేర్లు పెడుతూ కోట్లు సంపాదిస్తున్న మహిళ!

సాధారణంగా పిల్లలకు పేర్లు వాళ్ల పేరెంట్సే పెడుతుంటారు. కానీ, అమెరికాలో దీనికోసం కూడా కొంతమంది ప్రొఫెషనల్స్ ఉన్నారు. వీరినే ప్రొఫెషనల్ బేబీ నేమర్స్‌ అంటారు. అలాంటి ఒక బేబీ నేమర్ పేరు టేలర్ ఎ హంఫ్రీ. ఈమెకు కొత్త కొత్త పేర్లపై రీసెర్చ్ చేయడం, వాటిని మీనింగ్ ఫుల్ గాడిజైన్ చేయడం అంటే ఇంట్రెస్ట్ ఉండేదట. అయితే ఈ ఇంట్రెస్ట్ నే ఆమె బిజినెస్ గా మార్చుకుంది. పిల్లలకు పేర్లు పెడుతూ కోట్లు సంపాదిస్తోంది.

అభిరుచినే వృత్తిగా..

హంఫ్రీ పదేళ్ల క్రితం ఈ బిజినెస్ ను స్టార్ట్ చేసింది. మొదట్లో ఆన్ లైన్ లో తను క్రియేట్ చేసిన పేర్లను షేర్ చేస్తూ ఉండేది. వాటికి మంచి ఫాలోయింగ్ రావడంతో దాన్నే వృత్తిగా మార్చుకుంది. 2021లో ‘ది న్యూయార్కర్‌’లో ఆమెపై వచ్చిన ఒక కథనం తర్వాత ఆమె బిజినెస్ కు డిమాండ్ పెరిగింది. మొదట్లో ఆమెను చాలామంది విమర్శించేవారని.. కానీ, తాను చేసే పని చాలా విలువైనదిగా ఆమె భావిస్తున్నట్టు హంఫ్రీ చెప్పుకొచ్చింది. టిక్‌టాక్, ఇన్‌స్టాగ్రామ్‌లో హంఫ్రీకు లక్షకు పైగా ఫాలోవర్లు ఉన్నారు. ఇప్పటివరకూ ఆమె500  కంటే ఎక్కువ మంది పిల్లలకు పేర్లు పెట్టిందట.

ఎంతో రీసెర్చ్ చేసి..

అయితే హంఫ్రీ ఏదో ర్యాండమ్ గా పేర్లు పెట్టదు. దానికై చాలా రీసెర్చ్ చేస్తుంది. పేరెంట్స్ అభిరుచులు, ఇష్టాయిష్టాల నుంచి కుటుంబ వంశపారంపర్య వివరాల వరకూ అన్ని  తెలుసుకుంటుంది. పిల్లల తల్లిదండ్రులకు ఓ ప్రశ్నాపత్రం ఇచ్చి వారి నుంచి సమాధానాలు సేకరిస్తుంది. దాన్ని బట్టి మంచి మీనింగ్ ఉండేలా  వాళ్ల సంస్కృతి, విలువలను ప్రతిబింబించేలా పేరు పెడుతుంది. ఆమె చేసే రీసెర్చ్ ను బట్టి ఛార్జ్ చేస్తుంది. ఆమె చేసే రీసెర్చ్ ను బట్టి సుమారు రూ. 20 వేల నుంచి రూ. 25 లక్షల వరకూ ఛార్జ్ చేస్తుంది.

మరిన్ని బిజినెస్  వార్తల కోసం ఇక్కడ క్లిక్ చేయండి.