బంగారం.. మీ ఇంట్లో బంగారం ఉందా..? అయితే, జాగ్రత్త.. కనకానికి ఎక్కడలేని కష్టాలు..

సేఫ్ ఇన్వెస్ట్‌మెంట్ అని తెగ పొగిడారు బంగారాన్ని. సడెన్‌గా.. ఇవాళ దాన్ని ‘డెడ్ ఇన్వెస్ట్‌మెంట్’ అనడం మొదలుపెట్టారు. ఎందుకని? డెడ్ ఇన్వెస్ట్‌మెంట్ అని తెలిసినా ఏటా లక్షల కోట్ల రూపాయలు పెట్టి బంగారం దిగుమతి చేసుకుంటూనే వచ్చింది కేంద్రం. ఖజానాలో ఉన్న బిలియన్ల కొద్దీ డాలర్లు ఇచ్చి మరీ విదేశాల నుంచి గోల్డ్ ఇంపోర్ట్ చేసుకుంటూ వచ్చింది భారత్. ఉన్నట్టుండి.. గోల్డ్‌ను ఒక ఉపయోగం లేని వస్తువుగా ప్రచారం చేస్తోంది. ఎందుకని? బంగారంపై వాస్తవాలు తెలుసుకోవాల్సిన రోజు వచ్చింది కాబట్టనా? గోల్డ్ వల్ల దేశానికి జరుగుతున్న నష్టం ఏంటో తెలిసేలా చేయాలనా? కారణం ఏదైనా కావొచ్చు గానీ.. బంగారం కొనాలంటేనే షాక్ కొట్టేలా చేస్తున్నారన్నది కళ్ల ముందు కనిపిస్తున్న వాస్తవం. ఈ లెక్కన బంగారం ధర ఎంత దూరం వెళ్లొచ్చు? మరో ఏడాది వరకు బంగారం కొనకుండా చేయాలంటే.. కేంద్రం ఎలాంటి యాక్షన్స్‌కు దిగొచ్చు? Something is going to happen.. ప్రధాని మోదీ నోటి నుంచి బంగారం మాట వినిపించాక ఆర్థిక నిపుణులు ముందే అంచనా వేశారు ఇలాంటిదేదో జరుగుతుందని. సామాన్యులు ఇది ఊహించలేకపోవచ్చు, వాళ్లకిది అర్థం కాకపోవచ్చు గానీ.. ప్రధానమంత్రి హోదాలో ఉన్న వ్యక్తి నుంచి ఆ మాట ఊరికనే రాదని ఫైనాన్షియల్ ఎక్స్‌పర్ట్స్‌కు తెలుసు. దాని రిజల్ట్ ఏంటో తెలుసా.. బులియన్ మార్కెట్లో 24 క్యారెట్ల 10 గ్రాముల బంగారం ధర ఒకేసారి 13వేల 910 రూపాయలు పెరిగి లక్షా...