Warranty Rules: ఎలక్ట్రినిక్‌ వస్తువులకు కొత్త వారంటీకి రూల్స్ రాబోతున్నాయి.. అవేంటో తెలుసా?

Warranty Period

ఫ్రిజ్, టీవీ, ఏసీతో సహా గృహ వినియోగం కోసం అన్ని ఎలక్ట్రానిక్ ఉపకరణాల వారంటీ గురించి మీరు గందరగోళంలో ఉంటే ఈ వార్త మీకు ఉపయోగకరంగా ఉంటుంది. వాస్తవానికి ఈ వస్తువుల వారంటీ కోసం కొత్త నిబంధనలను రూపొందించడానికి ప్రభుత్వం సిద్ధమవుతోంది. వారంటీ తేదీలకు సంబంధించి పెరుగుతున్న ఫిర్యాదుల దృష్ట్యా ప్రభుత్వం కంపెనీలపై ఉక్కుపాదం మోపింది. నిబంధనలను సులభతరం చేయడం ద్వారా వారంటీ తేదీని మార్చాలని ప్రభుత్వం సూచించింది.

వినియోగదారు వ్యవహారాల మంత్రిత్వ శాఖ ఎలక్ట్రానిక్ పరికరం వారంటీ వ్యవధిని కొనుగోలు చేసిన తేదీకి బదులుగా ఇన్‌స్టాల్ చేసిన రోజు నుండి ప్రారంభించాలని సూచించింది. దీనికి సంబంధించి 15 రోజుల్లోగా తమ అభిప్రాయాన్ని తెలియజేయాలని కంపెనీలను మంత్రిత్వ శాఖ కోరింది.

ఇది కూడా చదవండి: Ambani, Adani Security: అంబానీ, ఆదానీల భద్రతా వ్యవస్థ ఎలా ఉంటుందో తెలిస్తే షాకవుతారు!

వారంటీ వ్యవధి ఎప్పుడు ప్రారంభమవుతుంది?

మంత్రిత్వ శాఖ ఆధ్వర్యంలో పనిచేస్తున్న సెంట్రల్ కన్స్యూమర్ ప్రొటెక్షన్ అథారిటీ కూడా కంపెనీలతో సమావేశం నిర్వహించింది. వినియోగదారుల వ్యవహారాల కార్యదర్శి, సీసీపీఏ చీఫ్ కమిషనర్ నిధి ఖరే అధ్యక్షతన జరిగిన సమావేశానికి రిలయన్స్ రిటైల్, LG, Panasonic, Haier, Croma, Bosch వంటి ప్రధాన ఎలక్ట్రానిక్ ఉపకరణాల కంపెనీల ప్రతినిధులు హాజరయ్యారు. వినియోగదారు ఇంటిలో ఇన్‌స్టాలేషన్ తర్వాత జరిగినప్పటికీ, కొనుగోలు చేసిన తేదీ నుండి వారంటీ వ్యవధిని కంపెనీలు పరిగణిస్తాయనే సమస్య సమావేశంలో లేవనెత్తింది. పరికరాలను ఉపయోగించడం ప్రారంభించిన రోజు నుండి వారంటీ వ్యవధిని లెక్కించాలి ఎందుకంటే ఇన్‌స్టాలేషన్ తర్వాత మాత్రమే దానిని ఉపయోగించవచ్చు.

ఇది కూడా చదవండి: Annual Salary: గౌతమ్ అదానీకి రూ.9.26 కోట్ల జీతం..మరి ముఖేష్ అంబానీకి వేతనం ఎంతో తెలుసా?

ఎలక్ట్రానిక్ పరికరాలు సాధారణంగా రెండు రకాలు. ఇన్‌స్టాలేషన్ అవసరం లేని ఐరన్ ప్రెస్, మైక్రోవేవ్ మొదలైన ఉపకరణాలు ఉన్నాయి. వినియోగదారులు వాటిని కొనుగోలు చేసి ఉపయోగించడం ప్రారంభిస్తారు. కానీ ఏసీ లేదా ఫ్రిజ్ వంటి ఉపకరణాలకు ఇన్‌స్టాలేషన్ అవసరం. అటువంటి పరిస్థితిలో ఏసీ, రిఫ్రిజిరేటర్ కోసం వారంటీ వ్యవధి దాని ఇన్‌స్టాలేషన్‌ నుంచి ప్రారంభం కావాలి.

వినియోగదారుల రక్షణ చట్టం ఏం చెబుతోంది?

వినియోగదారుల రక్షణ చట్టంలోని సెక్షన్ 2(9) ప్రకారం వస్తువులు, ఉత్పత్తులు లేదా సేవల నాణ్యత, పరిమాణం, స్వచ్ఛత, ప్రమాణం, ధర గురించి వినియోగదారులకు తెలియజేయడానికి హక్కు ఉంటుంది.

ఇది కూడా చదవండి: Petrol Price: త్వరలో పెట్రోల్‌, డీజిల్‌పై రూ.20 వరకు తగ్గనుందా? కేంద్రం ప్రతిపాదన ఏంటి?

మరిన్ని బిజినెస్ వార్తల కోసం ఇక్కడ క్లిక్ చేయండి