వాహనదారులకు గుడ్ న్యూస్.. రూ.1500కే ఏడాది ఫాస్టాగ్ పాస్.. టోల్ ప్లాజా బాదుడుకు చెక్

“మీ ఇల్లు లేదా ఆఫీస్ ఏదైనా టోల్ ప్లాజాకు దగ్గర్లో ఉందా? ప్రతిరోజూ టోల్ గేట్ దాటుతూ జేబులు ఖాళీ చేసుకుంటున్నారా? అయితే మీకు కేంద్ర ప్రభుత్వం మైండ్ బ్లోయింగ్ గుడ్ న్యూస్ చెప్పింది! నవంబర్ 1 నుంచి కొత్త జాతీయ రహదారుల రుసుము నియమావళి 2026 అమల్లోకి రాబోతోంది.. దీని ప్రకారం టోల్ ప్లాజాలకు 20 కిలోమీటర్ల పరిధిలో ఉండే స్థానిక వాహనదారులకు ఏకంగా రూ.1,500 కే రాయితీతో కూడిన వార్షిక ఫాస్టాగ్ పాస్ అందిస్తున్నారు.. అసలు ఈ పాస్ ఎవరికి వర్తిస్తుంది? ఎలా అప్లై చేసుకోవాలి? ఏయే రూల్స్ అండ్ కండిషన్స్ ఉన్నాయో ఈ రోజు వీడియోలో ఇన్-డెప్త్‌గా తెలుసుకుందాం!జాతీయ రహదారుల టోల్ ప్లాజాలకు 20 కిలోమీటర్ల పరిధిలో నివసించే నివాసితులకు ఈ సదుపాయం వర్తిస్తుంది. మున్సిపల్ లేదా స్థానిక పట్టణ పరిధి వెలుపల ఉండే వాహన యజమానులు సంవత్సరానికి రూ .1,500 చెల్లించాలి. అలాగే మున్సిపాలిటీ లేదా స్థానిక పట్టణ పరిధి లోపల ఉంటే ఏడాదికి రూ.3,000 రుసుముతో ఈ స్థానిక వార్షిక పాస్‌‌‌‌ను పొందవచ్చు. ఈ కొత్త రూల్స్ నవంబర్ 1 నుంచి నేరుగా అమల్లోకి రానున్నాయి.. ఇక్కడ మనం గమనించాల్సిన కొన్ని ముఖ్యమైన షరతులు ఉన్నాయి: ఈ సదుపాయం కేవలం ప్రైవేట్/సొంత వాణిజ్యేతర వాహన యజమానులకు మాత్రమే వర్తిస్తుంది. ట్యాక్సీలు, కమర్షియల్ వాహనాలకు ఇది వర్తించదు. యాక్టివ్ ఫాస్టాగ్ తప్పనిసరి: మీ వద్ద ఉన్న యాక్టివ్ ఫాస్టాగ్ ఆధారంగానే ఈ పాస్ పొందవచ్చు. ప్రతీ నెలా కట్టే మంత్లీ పాస్ లేదా ఈ యాన్యువల్ పాస్‌లలో ఏదో ఒకదానిని మీరు ఎంచుకోవచ్చు. సింగిల్ టోల్ ప్లాజా రూల్: మీరు ఏ నిర్దిష్ట టోల్ ప్లాజా వద్ద ఈ పాస్ తీసుకుంటారో… ఆ ఒక్క టోల్ ప్లాజా వద్ద మాత్రమే ఇది చెల్లుబాటు అవుతుంది. వేరే టోల్ ప్లాజాల దగ్గర ఇది పనిచేయదు.. అలాగే ఈ లోకల్ రాయితీ పాస్‌లు కొన్ని రకాల రోడ్లకు వర్తించవని కేంద్రం స్పష్టం చేసింది. ఎక్స్‌ప్రెస్‌వేలు: ‘క్లోజ్డ్ యూజర్ ఫీజు వసూలు విధానం’ ఉన్న హై-స్పీడ్ ఎక్స్‌ప్రెస్‌వేలపై ఈ పాస్‌లు జారీ చేయరు. ప్రత్యామ్నాయ మార్గాలు: ప్రయాణికులకు ఉచిత సర్వీస్ రోడ్లు లేదా ప్రత్యామ్నాయ మార్గాలు అందుబాటులో ఉన్న చోట్ల కూడా ఈ సదుపాయం ఉండదు. దేశవ్యాప్తంగా ఇప్పటికే 13 కోట్లకు పైగా ఫాస్టాగ్‌లు జారీ కాగా, స్థానికులపై నిత్య ప్రయాణ భారాన్ని తగ్గించేందుకే ‘జాతీయ రహదారుల చట్టం, 1956’ ద్వారా ఈ కీలక సవరణ తెచ్చినట్లు కేంద్రం పేర్కొంది. ముఖ్యంగా.. ఈ కొత్త నిబంధన, టోల్ ప్లాజాల సమీపంలో నివసించే అర్హులైన నివాసితులకు ఒక ప్రత్యామ్నాయాన్ని అందించడం, వారి ప్రయాణాన్ని మరింత సరసమైనదిగా చేయడం, స్థానికుల రాకపోకలను సులభతరం చేయడం లక్ష్యంగా పెట్టుకుంది. ట్రావెల్ ఖర్చులు తగ్గించే ఈ రూ.1,500 ఫాస్టాగ్ వార్షిక పాస్ నిర్ణయంపై మీ అభిప్రాయం ఏంటో కింద కామెంట్ సెక్షన్‌లో తెలపండి

మరిన్ని వీడియోల కోసం ఇక్కడ క్లిక్ చేయండి

Also Watch:

త్వరలో కొత్తగా రూ.1,000 నోటు? అధికారుల క్లారిటీ

వినియోగదారులకు వొడాఫోన్‌ ఐడియా షాక్‌.. భారీగా పెరిగిన ప్రీపెయిడ్‌ ప్లాన్‌ ఛార్జీలు

Sai Pallavi: నా భర్తలో ఆ క్వాలిటీస్ ఉండాలి.. మనసులోని మాట బయటపెట్టిన సాయి పల్లవి