Sports18: స్పోర్ట్స్ ప్రియులకు శుభవార్త.. జియో నుంచి సరికొత్త ఛానల్..
Sports18: స్పోర్ట్స్ ప్రియులకు శుభవార్త. Sports18 పేరుతో కొత్త ఛానల్ అందుబాటులోకి వచ్చేసింది. దీనిని జియో టీవీలో వీక్షించేందుకు అవకాశాన్ని సంస్థ కల్పించింది.
Updated on: Apr 16, 2022 | 12:16 PM
Sports18: ప్రముఖ ఎంటర్టైన్ దిగ్గజం Viacom18 తన నెట్వర్క్ విభాగంలో స్పోర్ట్స్ కోసం Sports18 ఛానల్ను శుక్రవారం ప్రారంభించింది. ఈ ఛానల్ ద్వారా దేశంలోని ప్రేక్షకుల కోసం అత్యుత్తమ స్పోర్ట్స్ కంటెంట్ను అందిస్తామని, అంతర్జాతీయంగా ఎంతో ఆదరణ కలిగిన ఫిఫా వరల్డ్కప్ 2022, ఎన్బీఏ, లలిగా, అబుదాబి T-10 సహా అనేక కార్యక్రమాలను Sports18 ద్వారా వీక్షించవచ్చని కంపెనీ తెలిపింది. ఈ ఛానల్లో ఫుట్బల్, బాస్కెట్బాల్, టెన్నిస్, క్రికెట్, బ్యాడ్మింటన్ లాంటి అంతర్జాతీయ క్రీడలు, క్రీడా వార్తలు, ఇంకా అనేక క్రీడా సంబంధిత కార్యక్రమాలను నిర్వహించనున్నట్టు కంపెనీ వెల్లడించింది. కేవలం క్రీడల కోసమే విడిగా ఓ ఛానల్ను వినియోగదారుల కోసం తీసుకురావడం సంతోషంగా ఉందని వయాకామ్ 18 స్పోర్ట్స్ సీఈఓ అనిల్ జయరాజ్ అన్నారు.
అంతర్జాతీయ, ప్రీమియర్ స్పోర్ట్స్ కంటెంట్ను అందించడం ద్వారా దేశీయంగా మెరుగైన ప్రసార నెట్వర్క్ కలిగిన ఛానల్గా ఉండేందుకు ప్రయత్నిస్తున్నట్లు అనిల్ జయరాజ్ స్పష్టం చేశారు. వీక్షకులు Voot – Viacom18 వీడియో-ఆన్-డిమాండ్ ప్లాట్ఫారమ్ను డౌన్లోడ్ చేయడం ద్వారా JioTVలో స్పోర్ట్స్ ప్రసారాలను చూడటం కొనసాగించవచ్చని వెల్లడించింది. Viacom18 అనేది Network18, Viacom CBS జాయింట్ వెంచర్. కంపెనీలో న్యూస్-18 51 శాతం, Viacom CBS 49 శాతం వాటాలను కలిగి ఉన్నాయి.
ఇవీ చదవండి..
Railway News: భారీగా పెరిగిన డీజిల్ ధరలు.. ఆర్థిక భారం తగ్గించుకునేందుకు ఆ ఆలోచనలో రైల్వే శాఖ
