GPay Loan: ఆర్థిక అవసరాలకు ప్రత్యేక ఆసరా.. గూగుల్ పేలో లోన్ సదుపాయం
బ్యాంకులు, ఎన్‌బీఎఫ్‌సీల ద్వారా రుణం పొందడం సుదీర్ఘ ప్రక్రియగా ఉంటుంది. ఈ నేపథ్యంలో తాజాగా గూగుల్ పే లోన్ సదుపాయాన్ని అందిస్తుంది. తన యూజర్లకు రూ.15000 వరకూ లోన్ పొందే అవకాశం ఇస్తుంది. గూగుల్ పే యాప్ ద్వారా అందించే లోన్ గురించి మరిన్ని వివరాలను తెలుసుకుందాం.
Srinu |
Updated on: Apr 09, 2024 | 5:00 PM
ప్రస్తుత రోజుల్లో పెరిగిన ఖర్చుల నేపథ్యంలో రుణం తీసుకోవడం అనేది సర్వ సాధారణంగా మారింది. పెరిగిన టెక్నాలజీ ప్రకారం మొబైల్ ఫోన్స్‌లోని యాప్స్ ద్వారా లోన్‌లు అందించే సదుపాయం వచ్చేసింది. బ్యాంకులు, ఎన్‌బీఎఫ్‌సీల ద్వారా రుణం పొందడం సుదీర్ఘ ప్రక్రియగా ఉంటుంది. ఈ నేపథ్యంలో తాజాగా గూగుల్ పే లోన్ సదుపాయాన్ని అందిస్తుంది. తన యూజర్లకు రూ.15000 వరకూ లోన్ పొందే అవకాశం ఇస్తుంది. గూగుల్ పే యాప్ ద్వారా అందించే లోన్ గురించి మరిన్ని వివరాలను తెలుసుకుందాం.
గూగుల్ తన 9వ ఎడిషన్‌లో ఈ లోన్ విషయాన్ని ప్రకటించింది. ముఖ్యంగా చిన్న వ్యాపారుల కోసం ఈ లోన్ సదుపాయం చాలా బాగా ఉపయోగపడుతుందని నిపుణులు చెబుతున్నారు. గూగుల్ పే డీఎంఐ ఫైనాన్స్‌తో భాగస్వామ్యంతో లోన్ సదుపాయం అందిస్తుంది. చిన్న వ్యాపారులకు తరచుగా చిన్న రుణాలు, అనువైన రీపేమెంట్ ఆప్షన్‌లు అవసరమని తెలుసుకుని ఈ సదుపాయాన్ని తీసుకొస్తుంది. ఈ అవసరాన్ని తీర్చడానికి గూగుల్ పే డీఎంఐ ఫైనాన్స్‌తో కలిసి సాచెట్ లోన్‌ను ప్రారంభించింది . గూగుల్ పే అధికారిక సమాచారం ప్రకారం నిర్దిష్ట అర్హత కలిగిన భారత పౌరులు ఎవరైనా రూ. 5 వేల నుంచి 15 వేల వరకు రుణాన్ని పొందవచ్చు .
లోన్ మొత్తాన్ని వ్యాపారం, ఇల్లు, వివాహం, వైద్య రుసుములు, మరెన్నో ప్రయోజనాల కోసం ఉపయోగించవచ్చు. గూగుల్ పే మీకు ఎలాంటి డాక్యూమెంటేషన్ ప్రక్రియ లేకుండా చాలా తక్కువ వ్యవధిలో రుణాన్ని అందిస్తుంది. అందుకే మీరు ఏదైనా వైద్య/ఆర్థిక/కుటుంబ సమస్య కోసం గూగుల్ పే నుంచి రుణం తీసుకోవచ్చు. గూగుల్ పే సాచెట్ లోన్ రీపేమెంట్ 111 రూపాయల నుండి ప్రారంభమవుతుంది. మీరు రుణానికి సంబంధించి వాయిదాగా నెలకు 111 రూపాయల మొత్తాన్ని చెల్లించాలి. అధికారిక సమాచారం ప్రకారం టైర్-2 నగరాలకు గూగుల్ పే ఈ రుణాన్ని అందిస్తోంది. 15 వేల కంటే ఎక్కువ జీతం ఉన్న టైర్ 2 నగరాల్లోని పౌరులందరూ ఈ లోన్ కోసం దరఖాస్తు చేసుకోవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..
