AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Slab Curing Mistakes: ఇంటి స్లాబ్‌ క్యూరింగ్‌లో ఈ ఒక్క తప్పు చేయకండి.. ఎన్ని రోజులు క్యూరింగ్ చేయాలి?

Slab Curing Mistakes: సరైన క్యూరింగ్ పగుళ్ల ప్రమాదాన్ని గణనీయంగా తగ్గిస్తుంది. వాతావరణ పరిస్థితులు, ఉపయోగించిన సిమెంట్ రకం ఆధారంగా క్యూరింగ్ సమయాన్ని, పద్ధతిని ఎంచుకోవడం ముఖ్యం. కన్‌స్ట్రక్షన్స్ సంస్థలు నాణ్యమైన నిర్మాణానికి కట్టుబడి, కనీసం 21 రోజుల పాటు క్యూరింగ్‌ను..

Slab Curing Mistakes: ఇంటి స్లాబ్‌ క్యూరింగ్‌లో ఈ ఒక్క తప్పు చేయకండి.. ఎన్ని రోజులు క్యూరింగ్ చేయాలి?
Slab Curing Mistakes
Subhash Goud
|

Updated on: Oct 30, 2026 | 9:00 AM

Share

Slab Curing Mistakes: ఇంటి నిర్మాణం అనేది ప్రతి ఒక్కరి కల. అయితే ఇంటిని నిర్మించేటప్పుడు చాలా మంది కొన్ని తప్పులు చేస్తుంటారు. ఈ చిన్న చిన్న తప్పులే పెద్ద నష్టాన్ని తీసుకువస్తాయి. అందుకే ఇంటి నిర్మాణంలో అనుభం ఉన్నవారితో ఇల్లు కట్టించుకోడం చాలా ముఖ్యమంటున్నారు నిపుణులు. మంచి బిల్డర్స్‌ ఉండాలి. సరైన జాగ్రత్తలు తీసుకోకపోతే తీవ్ర నష్టాన్ని అనుభవించాల్సి ఉంఉంది. ఇంటి నిర్మాణంలో ముఖ్యంగా స్లాబ్ విషయంలో నాణ్యమైన సిమెంట్, స్టీల్ ఎంత ముఖ్యమో, సరైన క్యూరింగ్ కూడా అంతే ప్రాధాన్యత వహిస్తుంది. చాలా మంది కేవలం స్లాబ్ వేసిన తర్వాత నీళ్లు పోసి సరిపోయిందని అనుకుంటారు. కానీ, అది సరైన క్యూరింగ్ కాదు. స్లాబ్ క్యూరింగ్‌లో చేయకూడని ప్రధాన పొరపాటు ఇదే.

అసలైన క్యూరింగ్ అంటే కాంక్రీట్‌కు నిరంతరం తేమ అందేలా చూడడం. స్లాబ్‌పై కట్టలు కట్టి నీళ్లు నిల్వ ఉండేలా చూసుకోవడం దీనికి సరైన మార్గం. నిరంతర తేమ అందుబాటులో ఉండటం వల్ల సిమెంట్ హైడ్రేషన్ ప్రక్రియ సక్రమంగా జరుగుతుంది. ఈ ప్రక్రియ కాంక్రీట్ బలాన్ని పెంచడానికి, దాని మన్నికను పెంపొందించడానికి అత్యవసరం.

ఇది కూడా చదవండి: Telangana: తెలంగాణ ప్రభుత్వం కీలక నిర్ణయం.. నీటి దుర్వినియోగాన్ని అరికట్టేందుకు జలమండలి ‘PAANI’ యాప్

ఇవి కూడా చదవండి

సరైన క్యూరింగ్ పగుళ్ల ప్రమాదాన్ని గణనీయంగా తగ్గిస్తుంది. వాతావరణ పరిస్థితులు, ఉపయోగించిన సిమెంట్ రకం ఆధారంగా క్యూరింగ్ సమయాన్ని, పద్ధతిని ఎంచుకోవడం ముఖ్యం. కన్‌స్ట్రక్షన్స్ సంస్థలు నాణ్యమైన నిర్మాణానికి కట్టుబడి, కనీసం 21 రోజుల పాటు క్యూరింగ్‌ను లక్ష్యంగా పెట్టుకుంటాయి. కానీ 21 రోజుల క్యూరింగ్‌ అనే నియమం లేదు. ఇక్కడ గుర్తించుకోవల్సిన విషయం ఏంటంటే మంచి క్యూరింగ్ అనేది నాణ్యమైన, దీర్ఘకాలం నిలిచే నిర్మాణానికి పునాది. మీ ఇంటి నిర్మాణానికి సరైన క్యూరింగ్‌ లేకుంటే తీవ్రంగా నష్టపోతారనే విషయాన్ని గుర్తించుకోండి.

ఇంటి నిర్మాణాన్ని హడావుడిగా నిర్మించొద్దు:

ఇంటి నిర్మాణాన్ని హడావుడిగా నిర్మించొద్దని ఓ ఇంటి యజమాని విజేందర్‌గౌడ్‌ చెబుతున్నారు. ఇంటి నిర్మాణంపై కొంత అవగాహన ఉండటం తప్పనిసరి అని, ఇంటి నిర్మాణానికి తక్కువ ధరల్లో ఉండే మెటీరియల్‌ను వాడవద్దని సూచిస్తున్నారు. ఇంటిని మంచి అనుభవం ఉన్న మేస్త్రీతోనే నిర్మించుకోవాలని, అలాగే స్లాబ్‌ క్యూరింగ్‌ విషయంలో ఏం మాత్రం రాజీపడవద్దని చెబుతున్నారు. హడావుడిగా ఇంటిని త్వరగా నిర్మించాలనే ఉద్దేశంతో క్యూరింగ్‌ సరిగ్గా చేయకుంటే తీవ్రంగా నష్టపోయే అవకాశం ఉందన్నారు. ఇక్కడ ఇంకో విషయం ఏంటంటే నిర్మాణం త్వరగా అయ్యే విధంగా మేస్త్రీలను టెన్షన్‌ పెట్టవద్దని అన్నారు. లేకుంటే వారు ఇష్టానుసారంగా నిర్మాణం చేస్తే నష్టపోయేది ఇంటి యజమానేనని చెబుతున్నారు. ముఖ్యంగా ఇంటిని నిర్మించే ముందు తప్పనిసరిగ్గా వాటర్‌ కోసం బోర్‌వెల్‌ను వేయించుకోవడం చాలా ముఖ్యమంటున్నారు.

మరిన్ని బిజినెస్ వార్తల కోసం ఇక్కడ క్లిక్ చేయండి

Follow Us