Deep Fake Scam: అంబానీ పేరుతో డాక్టర్‌ను ముంచేసిన కేటుగాళ్లు.. ఆ స్కామ్ ఏంటంటే..?
పెరుగుతున్న టెక్నాలజీను ఆసరాగా సరికొత్త మోసాలకు తెరతీస్తున్నారు. ప్రస్తుతం అందుబాటులోకి వచ్చిన ఏఐ టెక్నాలజీ ఆధారంగా చేసుకుని చేసే డీప్ ఫేక్ మోసాలు ప్రజలకు కొత్త సమస్యలు తెచ్చిపెడుతుంది. ఫేక్ షేర్ ట్రేడింగ్ అకాడమీని సమర్థించేందుకు ప్రముఖ పారిశ్రామికవేత్త ముఖేష్ అంబానీకు సంబంధించిన డీప్‌ఫేక్ వీడియోను ఉపయోగించిన మోసగాళ్లు ముంబైకి చెందిన డాక్టర్ నుంచి రూ.7 లక్షలు స్వాహా చేశారు.
Srinu |
Updated on: Jun 24, 2024 | 1:07 PM
పెరుగుతున్న టెక్నాలజీ మనుషులకు ఎంత మేలు చేస్తుంది అంతే స్థాయిలో కీడు కూడా చేస్తుంది. ముఖ్యంగా మోసగాళ్లు ఈ పెరుగుతున్న టెక్నాలజీను ఆసరాగా సరికొత్త మోసాలకు తెరతీస్తున్నారు. ప్రస్తుతం అందుబాటులోకి వచ్చిన ఏఐ టెక్నాలజీ ఆధారంగా చేసుకుని చేసే డీప్ ఫేక్ మోసాలు ప్రజలకు కొత్త సమస్యలు తెచ్చిపెడుతుంది. ఫేక్ షేర్ ట్రేడింగ్ అకాడమీని సమర్థించేందుకు ప్రముఖ పారిశ్రామికవేత్త ముఖేష్ అంబానీకు సంబంధించిన డీప్‌ఫేక్ వీడియోను ఉపయోగించిన మోసగాళ్లు ముంబైకి చెందిన డాక్టర్ నుంచి రూ.7 లక్షలు స్వాహా చేశారు. అందేరికీ చెందిన బాధితుడు పేరు కేహెచ్ పాటిల్ ఆయుర్వేద లెక్చరర్‌గా పని చేస్తున్నారు. ఏప్రిల్‌లో అప్‌లోడ్ చేసిన ఇన్‌స్టాగ్రామ్‌లో వీడియో చూసి స్కామ్‌కు గురయ్యాడు. ఈ నేపథ్యంలో డీప్ ఫేక్ ద్వారా ఎలా స్కామ్ చేశారో? మరిన్ని వివరాలను తెలుసుకుందాం.
డాక్టర్ పాటిల్ తన ఇన్‌స్టాగ్రామ్ ఫీడ్ ద్వారా స్క్రోల్ చేస్తున్నప్పుడు ఏప్రిల్ 15న డీప్‌ఫేక్ వీడియోను మొదట చూశారు. రాజీవ్ శర్మ ట్రేడ్ గ్రూప్ అనే ట్రేడింగ్ అకాడమీ విజయాన్ని అంబానీ ప్రోత్సహిస్తున్నట్లు, పెట్టుబడులపై అధిక రాబడి కోసం బీసీఎఫ్ అకాడమీలో చేరాలని ప్రజలను ప్రోత్సహిస్తున్నట్లు వీడియో చిత్రీకరించి పెట్టారు. దీంతో ఆయన ఆ వీడియో నిజంగా ముఖేష్ అంబానీ చేశారని నమ్మి మోసపోయాడు. డాక్టర్ పాటిల్ గ్రూప్ కోసం ఆన్‌లైన్‌లో శోధించి, వారికి లండన్‌లో, ముంబైలోని బాంద్రా కుర్లా కాంప్లెక్స్‌లో కార్యాలయాలు ఉన్నాయని కనుగొన్నారు. ఎఫ్ఐఆర్ ప్రకారం డాక్టర్ పాటిల్ ఆన్‌లైన్‌లో అకాడమీని సంప్రదించి మే నుంచి జూన్ మధ్య మొత్తం రూ.7.1 లక్షల పెట్టుబడి పెట్టింది. కొన్ని రోజుల తర్వాత ఆమె రూ. 30 లక్షల లాభాన్ని చూపింది. అయితే ఈ నెల ప్రారంభంలో ఆమె లాభాలను ఉపసంహరించుకోవడానికి ప్రయత్నించినప్పుడు అసలు విషయం వెలుగులోకి వచ్చింది. ఆమె మోసపోయానని గ్రహించి పోలీసులను ఆశ్రయించింది.
అంధేరీలోని ఓషివారా పోలీసులు గుర్తు తెలియని వ్యక్తులపై కేసు నమోదు చేశారు. ప్రస్తుతం డాక్టర్ పాటిల్ డబ్బును బదిలీ చేసిన 16 బ్యాంకు ఖాతాలపై దర్యాప్తు చేస్తున్నారు. మరిన్ని వివరాల కోసం పోలీసు అధికారులు బ్యాంకులను సంప్రదిస్తున్నారు. ఇతర మోసపూరిత వ్యాపార విద్యా కార్యక్రమాలను ప్రోత్సహించడానికి అంబానీకి సంబంధించిన డీప్‌ఫేక్ వీడియోలతో కూడిన సంఘటనలు గతంలో ఉన్నాయి. అనుమానాస్పద పెట్టుబడిదారులను ఆకర్షించడానికి సైబర్ స్కాంస్టర్లు ఎక్స్ (గతంలో ట్విట్టర్), ఫేస్‌బుక్, ఇన్‌స్టాగ్రామ్ వంటి సోషల్ మీడియా ప్లాట్‌ఫారమ్‌లను దోపిడీ చేసే ధోరణిని కూడా పోలీసులు గుర్తించారు. అనంత్ అంబానీకు సంబంధించిన ప్రీ వెడ్డింగ్ ఫంక్షన్ తర్వాత ఇదే విధమైన స్కామ్ బయటపడింది. ఇక్కడ స్కామర్లు ప్రజలను మోసపూరిత పెట్టుబడి ప్లాట్‌ఫారమ్‌లకు మళ్లించడానికి ఈవెంట్‌లోని చిత్రాలను ఉపయోగిస్తున్నారు. ఈ నేపథ్యంలో పెట్టుబడి పెట్టే ముందు కచ్చితంగా ప్రామాణికతను ఎల్లప్పుడూ వ్యక్తిగతంగా ధ్రువీకరించుకోవాలని నిపుణులు సూచిస్తున్నారు. కేవలం ఆన్‌లైన్ సమాచారంపై ఆధారపడవద్దని అధికారులు ప్రజలకు హెచ్చరిక జారీ చేశారు. సైబర్ మోసగాళ్లు ప్రజలను మోసం చేయడానికి బాగా తెలిసిన వ్యక్తుల డీప్‌ఫేక్ వీడియోలను ఎక్కువగా ఉపయోగిస్తున్నారని పేర్కొంటున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
