Renault Offers: రెనాల్ట్ కార్లపై అద్భుతమైన ఆఫర్.. రూ.50,000 వరకు తగ్గింపు
రెనాల్ట్ ఇండియా డిసెంబర్ నెలలో వాహనాలపై భారీ తగ్గింపులను ప్రకటించింది. కంపెనీ రెనాల్ట్ ట్రైబర్‌, రెనాల్ట్ క్విడ్, రెనాల్ట్ కిగర్‌పై ఆఫర్లను అందిస్తోంది. ఇందులో రెనాల్ట్..
రెనాల్ట్ ఇండియా డిసెంబర్ నెలలో వాహనాలపై భారీ తగ్గింపులను ప్రకటించింది. కంపెనీ రెనాల్ట్ ట్రైబర్‌, రెనాల్ట్ క్విడ్, రెనాల్ట్ కిగర్‌పై ఆఫర్లను అందిస్తోంది. ఇందులో రెనాల్ట్ ట్రైబర్‌పై గరిష్టంగా రూ.50,000 వరకు తగ్గింపు లభిస్తుంది. ఈ భారీ తగ్గింపు నగదు తగ్గింపు, ఎక్స్ఛేంజ్, కార్పొరేట్ ప్రయోజనాల రూపంలో ఉంటుంది. మీరు ఈ కార్లలో దేనినైనా కొనుగోలు చేయాలనుకుంటే మీరు సమీపంలోని రెనాల్ట్ ఇండియా డీలర్‌షిప్‌ను సందర్శించవచ్చు. ఈ ఆఫర్లు 31 డిసెంబర్ 2022 వరకు చెల్లుబాటు అవుతుందని గుర్తించుకోండి.
రెనాల్ట్ ట్రైబర్‌పై ఆఫర్లు
ఈ కారు ఎంపిక చేసిన వేరియంట్లపై కస్టమర్లు రూ. 15,000 నగదు తగ్గింపును పొందుతారు. ఈ వాహనంపై రూ.25,000 వరకు ఎక్స్చేంజ్ ప్రయోజనాలు కూడా అందుబాటులో ఉన్నాయి. అదే సమయంలో ఎంపిక చేసిన మోడళ్లపై రూ.10,000 వరకు కార్పొరేట్ డిస్కౌంట్లు ఉన్నాయి. గ్రామీణ రాయితీ కూడా ఉంది. దీని కింద రైతులు, సర్పంచ్, గ్రామ పంచాయతీ సభ్యులు రూ. 5,000 వరకు తగ్గింపు పొందవచ్చు. రిలైవ్ స్క్రాపేజ్ ప్రోగ్రామ్ కింద రూ. 10,000 అదనపు తగ్గింపు కూడా అందుబాటులో ఉంది.
రెనాల్ట్ క్విడ్‌పై ఆఫర్లు:
డిసెంబర్ నెలలో ఈ రెనాల్ట్ కారుపై రూ. 35,000 వరకు తగ్గింపు లభిస్తుంది. రూ.10,000 క్యాష్ డిస్కౌంట్, రూ.15,000 వరకు ఎక్స్ఛేంజ్ ఆఫర్ ఉంది. ఆర్‌ఎక్స్‌ఈ మినహా అన్ని మోడళ్లపై ఎక్స్ఛేంజ్ తగ్గింపు వర్తిస్తుంది. ఇది కాకుండా, రిలీవ్ స్క్రాపేజ్ ప్రోగ్రామ్ కింద ఎంట్రీ-లెవల్ హ్యాచ్‌బ్యాక్ కార్పోరేట్ డిస్కౌంట్ రూ. 10,000, రూరల్ బెనిఫిట్ రూ. 5,000, రూ.10,000 తగ్గింపును పొందుతోంది.
రెనాల్ట్ కిగర్‌పై ఆఫర్లు:
క్విడ్ మాదిరిగానే రెనాల్ట్ కిగర్ కాంపాక్ట్ ఎస్‌యూవీ రూ. 35,000 వరకు తగ్గింపుతో లభిస్తుంది. ఇందులో రూ. 10,000 కార్పొరేట్ తగ్గింపు, రూ.15,000 వరకు ఎక్స్ఛేంజ్ తగ్గింపు ఉంటుంది. ఎస్‌యూవీపై నగదు తగ్గింపు లేదు. కానీ రూ.5,000 గ్రామీణ తగ్గింపు అందుబాటులో ఉంది. దీనితో పాటు రిలీవ్ స్క్రాపేజ్ ప్రోగ్రామ్ కింద రూ.10,000 వరకు ప్రయోజనాలు ఉన్నాయి.
మరిన్ని బిజినెస్ వార్తల కోసం ఇక్కడ క్లిక్ చేయండి
