POCO F3 GT: పోకో ఎఫ్3 జీటీ స్మార్ట్‌ఫోన్‌.. ముందే లీకైన స్పెసిఫికేషన్స్ వివరాలు.. విడుదల ఎప్పుడంటే

POCO F3 GT: కస్టమర్లను ఆకట్టుకునేందుకు వివిధ రకాల స్మార్ట్‌ఫోన్‌ తయారీ కంపెనీలు కొత్త కొత్త మోడళ్ల ఫోన్‌లను మార్కెట్లోకి విడుదల చేస్తున్నాయి. తాజాగా పోకో ఎఫ్‌3 జీటీ పేరుతో మార్కెట్లో విడుదల కానుంది. అయితే ఈ స్మార్ట్​ఫోన్​ను ఆగస్టు 10 లోపు విడుదల చేయనున్నట్లు కంపెనీ అధికారికంగా వెల్లడించింది. ఖచ్చితమైన విడుదల తేదీని మాత్రం ప్రకటించలేదు. ఇటీవల చైనాలో లాంచ్​ అయిన రెడ్​మీ కే 40 గేమ్​ ఎన్​హేన్స్​డ్ ఎడిషన్​కు రీ బ్రాండెడ్​ వెర్షన్​గా ఈ ఫోన్​ విడుదల కానుందని వార్తలు వినిపిస్తున్నాయి. దీనికి సంబంధించిన టీజర్​ వీడియోలో కూడా సంస్థ ఇదే విషయాన్ని పేర్కొంది. అయితే స్పెసిఫికేషన్స్ వివరాలు ముందుగానే లీకయ్యాయి.

ఐదు వేరియంట్లలో లభ్యం:

కాగా, ఈ ఫోన్‌ ఐదు వేరియంట్లలో లభించనుంది. విడుదలకు సిద్దంగా ఉన్న పోకో ఎఫ్​3 జిటి (POCO F3gt)మోడల్​ కూడా రెడ్​మీ కే 40 ధరతో సమానంగా లభించే అవకాశం ఉంది. చైనా మార్కెట్​లో రెడ్​మీ కే40 ధర.. 6 జీబీ ర్యామ్​, 128 జీబీ స్టోరేజ్ బేస్​ వేరియంట్ ధర సుమారు రూ. 23,000కు లభిస్తుంది. పోకో ఎఫ్ 3 జిటి ఇండియా ధర రూ.25 వేల నుంచి రూ .30,000 మధ్య ఉండే అవకాశం ఉంది.

POCO F3 GT స్పెసిఫికేషన్లు:

పోకో ఎఫ్‌ 3జీటీ (POCO F3 GT) స్మార్ట్​ఫోన్​లో 6.67 అంగుళాల ఫుల్​ హెచ్‌డీ+AMOLED డిస్‌ప్లేను అందించనున్నారు. ఇది ఆక్టాకోర్​ మీడియాటెక్ డైమెన్సిటీ 1200 SoC ప్రాసెసర్​పై పనిచేస్తుంది. దీనిలో12 జీబీ ర్యామ్, 256 జీబీ ఇంటర్నల్ స్టోరేజ్ వరకు అందించింది. ఇక దీనిలో 67W వైర్డ్ ఫాస్ట్ ఛార్జింగ్ సపోర్ట్‌తో కూడిన 5,065 mAh బ్యాటరీని అందించింది.

కెమెరా విషయానికి వస్తే.. దీని వెనుకవైపు, ట్రిపుల్ కెమెరా సెటప్​ను చేర్చింది. ఇది 64MP ప్రైమరీ లెన్స్ కెమెరా, 8MP అల్ట్రావైడ్ సెన్సార్ కెమెరాలను కలిగి ఉంటుంది. ఈ ఫోన్ 2 ఎంపి మైక్రో కెమెరాను కూడా ప్యాక్ చేస్తుంది. సెల్ఫీలు, వీడియో కాలింగ్​ కోసం 16 మెగాపిక్సెల్​ కెమెరాను చేర్చింది. 5జీ, వైఫై, జీపీఎస్​, ఎన్​ఎఫ్​సీ, యూఎస్​బీ టైప్​సీ పోర్ట్​లను అందించింది. ఇది ఆండ్రాయిడ్ 11 బేస్డ్ MIUI 12.5తో రన్‌ అవుతుంది.

ఇవీ కూడా చదవండి:

Samsung Galaxy A22: సాంసంగ్‌ నుంచి గెలక్సీ ఏ22 మొబైల్‌.. అదిరిపోయే ఫీచర్స్‌.. విడుదల ఎప్పుడంటే..!

Infosys: గ్రాడ్యుయేట్ల‌కు గుడ్ న్యూస్‌.. 35వేల మందికి ఉద్యోగ అవకాశాలు: ఇన్ఫోసిస్‌