PM Kisan: రైతులకు అలర్ట్.. కీలక నిర్ణయం తీసుకున్న కేంద్రం.. పీఎం కిసాన్ పథకానికి ఇక వీరు అనర్హులు.. 

PM Kisan Yojana: కేంద్రప్రభుత్వం దేశంలోని రైతుల కోసం అనేక రకాల పథకాలను తీసుకువచ్చింది.. అందులో రైతులకు ఆర్థిక భరోసా ఇచ్చేందుకు ప్రవేశపెట్టిన స్కీమ్ ప్రధాన మంత్రి కిసాన్ యోజన పథకం. ఈ స్కీమ్ ద్వారా రైతులకు ప్రతి సంవత్సరం దాదాపు 6 వేల రూపాయాలను అందచేయనున్నారు. అయితే ఈ డబ్బులన్నీ ఒకేసారి కాకుండా.. విడతల వారిగా నేరుగా అన్నదాతల బ్యాంక్ ఖాతాల్లో జమ చేయనున్నారు. ఒక్కో విడతల రూ. 2 వేల రూపాయాలను జమ చేయనున్నారు. ఇప్పటివరకు పది విడతల నగదును రైతుల ఖాతాల్లో జమ చేయనున్నారు. దేశంలో సొంతంగా భూమి కలిగినవారికి మాత్రమే ఈ స్కీమ్ వర్తిస్తుంది. ఇప్పటివరకు ఈ స్కీమ్ కింద దాదాపు 4,350 కోట్ల రూపాయాలకు పైగా బదిలీ చేయబడిందని కేంద్రం గుర్తించింది. పీఎం కిసాన్ పథకం కింద ఆదాయపు పన్ను చెల్లించి ప్రయోజనాలు పొందే అర్హత లేని వారి నుంచి రీయంబర్స్‏మెంట్ అంటే వారు పొందిన నగదును వెనక్కు తీసుకోవాలని ప్రభుత్వం రాష్ట్రాలకు సూచించింది. తాజాగా ఈ పథకానికి అర్హులైన కుటుంబాలను గుర్తించే బాధ్యతను రాష్ట్ర ప్రభుత్వాలు, కేంద్ర పాలిత ప్రాంతాలు కలిగి ఉంటాయి. ఈ క్రమంలోనే పీఎం కిసాన్ పథకానికి అర్హులు కానీ వారి జాబితాను విడుదల చేసింది.

ఈ పథకాన్ని కుటుంబంలోని భర్త, భార్య, వారి మైనర్ పిల్లలకు వర్తిస్తుంది. అయితే ఈ పథకానికి ఉన్నత ఆర్థిక స్థితికి చెందినవారు అనర్హులు అని కేంద్రం తెలిపింది. అలాగే మరికొందరు కూడా ఈ పథకానికి అనర్హులు. వారెవరంటే..

* సంస్థాగత భూమి కలవారు ఈ పథకానికి అనర్హులు.

* మాజీ, ప్రస్తుతం రాజ్యంగ పదవులు కలిగి ఉన్న రైతు కుటుంబాలు.

* మాజీ, ప్రస్తుత మంత్రులు, పార్లమెంట్, శాసనసభ్యులుగా ఉన్న కుటుంబాలు.

* రాష్ట్ర శాసన మండలి సభ్యుల కుటుంబాలు, మునిసిపల్ కార్పొరేషన్ మాజీ, ప్రస్తుత మేయర్ , జిల్లా పంచాయితీల మాజీ,ప్రస్తుత అధ్యక్షుల కుటుంబాలు.

* కేంద్ర, రాష్ట్ర ప్రభుత్వ కార్యాలయాలలో ప్రస్తుతం పనిచేస్తున్నవారు… పదవి విరమణ పొందిన అధికారులు, ప్రభుత్వ ఉద్యోగుల కుటుంబాలు.

* కేంద్ర లేదా రాష్ట్ర PSEలు, అనుబంధిత కార్యాలయాలు లేదా కేంద్రం పరిధిలోని స్వయంప్రతిపత్త సంస్థలలో ప్రస్తుత లేదా మాజీ అధికారులు. (స్థానిక సంస్థల రెగ్యులర్ ఉద్యోగులు, మల్టీ టాస్కింగ్ సిబ్బంది, క్లాస్ IV, గ్రూప్ డీ ఉద్యోగులు మినహా).

* నెలవారీ పెన్షన్ రూ. 10,000 లేదా అంతకంటే ఎక్కువ తీసుకునేవారు అనర్హులు.

* గత అసెస్‌మెంట్ సంవత్సరాల్లో ఆదాయపు పన్ను చెల్లించిన వారు.

* ఇంజనీర్లు, డాక్టర్లు, లాయర్లు, చార్టర్డ్ అకౌంటెంట్లు, ఆర్కిటెక్ట్‌లు వంటి ఉద్యోగులకు కూడా పీఎం కిసాన్ డబ్బులు రావు.

అయితే ఇప్పటివరకు పీఎం కిసాడ్ డబ్బులు పొందిన అర్హత లేనివారు ఇక ఆ నగదును తిరిగి ప్రభుత్వానికి ఇచ్చేయాల్సి ఉంటుంది.. అందుకోసం ముందుగా వీరు పీఎం కిసాన్ అధికారిక వెబ్ సైట్‏కు లాగిన్ అయ్యి.. అక్కడ “రిఫండ్ ఆప్షన్ ” పై క్లిక్ చేయాలి. దీంతో వారు ఇప్పటివరకు పొందిన నగదును కేంద్రానికి తిరిగి ఇవ్వచ్చు.

Also Read: NTR: ఫిమేల్ లీడ్స్‌ పేవరెట్‌గా కొమురం భీముడు.. తారక్ వైపు చూస్తున్న బాలీవుడ్ బ్యూటీస్

K.G.F Chapter 2: రాకీభాయ్ స్టామినా.. అక్కడ భారీ ఓపెనింగ్స్‌ తెచ్చుకున్న కేజీఎఫ్ చాప్టర్-2..

Acharya: టాప్‌లో ట్రెండ్ అవుతున్న మెగాస్టార్ మూవీ ట్రైలర్.. యూట్యూబ్‌ను షేక్ చేస్తున్న ఆచార్య..

Mirnalini Ravi: మైమరపిస్తున్న ముద్దుగుమ్మ మృణలిని లేటెస్ట్ ఫొటోస్..