PM Kisan: పీఎం కిసాన్ స్కీమ్ 19వ విడత డబ్బులు వచ్చేది అప్పుడేనా..?
PM Kisan: రైతుల కోసం మోడీ సర్కార్ ఎన్నో పథకాలను అమలు చేస్తోంది. కేంద్రం అమలు చేస్తున్న పథకాలలో పీఎం కిసాన్ స్కీమ్ ఒకటి. ఈ స్కీమ్లో రైతులకు ఏడాదికి రూ.6000 చొప్పున అందిస్తుంది. అది కూడా ఒకేసారి కాకుండా మూడు విడతల్లో రైతుల ఖాతాల్లో జమ చేస్తోంది. ఇప్పుడు 19వ విడత రావాల్సి ఉంది..
Updated on: Jan 03, 2025 | 3:28 PM
ప్రభుత్వం రైతులకు ఏటా 6 వేల రూపాయల ఆర్థిక సహాయం అందజేస్తుంది. ఈ మొత్తాన్ని పీఎం కిసాన్ సమ్మాన్ నిధి యోజన కింద డీబీటీ ద్వారా రైతుల ఖాతాకు బదిలీ చేస్తారు. ప్రతి 4 నెలల వ్యవధిలో 3 విడతలుగా 2 వేల రూపాయల చొప్పున రైతుల ఖాతాలో జమ చేస్తుంది కేంద్రం. ప్రస్తుతం ఈ పథకంలో 18 వాయిదాలు విడుదలయ్యాయి. ఇప్పుడు రైతులు తదుపరి విడత కోసం ఎదురు చూస్తున్నారు.
చివరి విడత అంటే 18వ విడత అక్టోబర్లో విడుదలైంది. దీని ప్రకారం తదుపరి 19వ విడత గడువు ఫిబ్రవరిలో ఉంటుంది. అందువల్ల ఫిబ్రవరి నెలలో 19వ తేదీని విడుదల కావచ్చని భావిస్తున్నారు. గత సంవత్సరం 16వ విడత ఫిబ్రవరి 28న విడుదలైందని కాబట్టి 19వ విడత కూడా అదే తేదీన విడుదల కావచ్చని తెలుస్తోంది. అయితే అధికారికంగా ఇంకా ఎలాంటి సమాచారం వెల్లడి కానప్పటికీ, 19వ విడత నాలుగు నెలల వ్యవధి ఫిబ్రవరిలో పూర్తవుతుంది.
ఈ రైతులకు మాత్రమే ప్రయోజనం:
ప్రభుత్వ ఉద్యోగం లేని, ఆదాయపు పన్ను చెల్లించని రైతులు మాత్రమే ఈ పథకాన్ని సద్వినియోగం చేసుకోవచ్చు. ఈ పథకం అన్ని రాష్ట్రాలు, కేంద్రపాలిత ప్రాంతాలలో వర్తిస్తుంది. నిబంధనల ప్రకారం.. కుటుంబంలో ఒక సభ్యుడు మాత్రమే పథకం ప్రయోజనం పొందవచ్చు. ఇతర సభ్యులకు ఈ పథకం ప్రయోజనం అందించదు. ఇది కాకుండా, ఇ-కెవైసి ప్రక్రియను పూర్తి చేయని రైతులు పీఎం కిసాన్ యోజన తదుపరి విడతల నుండి కూడా కోల్పోతున్నారు. మీరు అధికారిక వెబ్సైట్ను సందర్శించడం ద్వారా PM కిసాన్ యోజనకు అర్హులా కాదా అని కూడా తనిఖీ చేయవచ్చు.
PM కిసాన్ యోజనకు సంబంధించిన ఏదైనా సమస్య కోసం రైతులు pmkisan-ict@gov.in ఇమెయిల్ ఐడిలో సంప్రదించవచ్చు. మీరు PM కిసాన్ యోజన హెల్ప్లైన్ నంబర్- 155261 లేదా 1800115526 (టోల్ ఫ్రీ) లేదా 011-23381092లో సంప్రదించవచ్చు. ఇక్కడ కూడా మీ సమస్యలన్నీ పరిష్కరించుకోవచ్చు.
ఇది కూడా చదవండి: PM Office: ప్రధాని కార్యాలయంలో వంట చేసేవారు, డ్రైవర్లు, క్లర్క్ల జీతం ఎంతో తెలుసా..?
మరిన్ని బిజినెస్ వార్తల కోసం ఇక్కడ క్లిక్ చేయండి
