Petrol Diesel Price Today: స్థిరంగా పెట్రోల్, డీజిల్ ధరలు.. ప్రధాన నగరాల్లో ఎలా ఉన్నాయంటే..

క్రూడ్ ఆయిల్(crude oil) ధరలు ఆకాశాన్నంటుతున్న నేపథ్యంలో దేశంలోని ప్రధాన చమురు కంపెనీలు జూన్ 3 శుక్రవారం కొత్త పెట్రోల్, డీజిల్ ధరలను విడుదల చేశాయి. నేడు పెట్రోల్‌ , డీజిల్‌ ధరల్లో ఎలాంటి మార్పు లేదు. మే 22 నుంచి దేశవ్యాప్తంగా పెట్రోల్, డీజిల్(Petrol, diesel) ధరలు స్థిరంగా ఉన్నాయి. మే 21న కేంద్ర ప్రభుత్వం పెట్రోల్, డీజిల్‌పై విధించే ఎక్సైజ్ సుంకాన్ని తగ్గిస్తున్నట్లు ప్రకటించిందని, ఆ తర్వాత దేశవ్యాప్తంగా పెట్రోల్, డీజిల్ ధరలు మే 22 నుంచి రూ.7 నుంచి రూ.9.50కి తగ్గాయి. కేంద్ర ప్రభుత్వ ప్రకటన తర్వాత కొన్ని రాష్ట్రాలు కూడా తమ స్థాయిలో పెట్రోల్, డీజిల్‌పై వ్యాట్‌ని తగ్గించాయి. ఢిల్లీలో లీటరు పెట్రోలు రూ.96.72, డీజిల్ రూ.89.62కు విక్రయిస్తున్నారు. ముంబైలో లీటర్ పెట్రోల్ ధర రూ.111.35, డీజిల్ ధర రూ.97.28గా ఉంది. చెన్నైలో లీటర్ పెట్రోల్ ధర రూ.102.63గా, డీజిల్ ధర రూ.94.24గా ఉంది. అదే సమయంలో కోల్‌కతాలో పెట్రోల్ ధర రూ.106.03, డీజిల్ ధర లీటరుకు రూ.92.76గా ఉంది.

కేంద్ర ప్రభుత్వం పెట్రోల్, డీజిల్‌పై ఎక్సైజ్ సుంకాన్ని తగ్గించిన తర్వాత మహారాష్ట్ర, రాజస్థాన్, కేరళ, తమిళనాడు, మధ్యప్రదేశ్, కర్ణాటక, గోవా మరియు పశ్చిమ బెంగాల్ వంటి రాష్ట్రాలు వ్యాట్‌ను తగ్గించాయి. షేర్‌ఖాన్ క్యాపిటల్ మార్కెట్ స్ట్రాటజీ హెడ్ గౌరవ్ దువా మాట్లాడుతూ పెట్రోలు, డీజిల్ ధరలో ఐదు ప్రధాన భాగాలు ఉన్నాయని తెలిపారు. బేస్ ధర, అద్దె, ఎక్సైజ్ సుంకం, డీలర్ కమిషన్, VAT. విలువ ఆధారిత పన్ను (VAT) బేస్ ధర, అద్దె, ఎక్సైజ్ సుంకం, డీలర్ కమిషన్ ఆధారంగా లెక్కిస్తారు. తెలంగాణ విషయానికొస్తే హైదరాబాద్‌లో లీటర్‌ పెట్రోల్ ధర రూ.109.66 ఉండగా.. డీజిల్‌ ధర రూ. 97.82గా ఉంది. కరీంనగర్‌, వరంగల్‌లో లీటర్‌ పెట్రోల్ ధర రూ.109.66 ఉండగా.. డీజిల్‌ ధర రూ.97.8గా ఉంది.

ఇవి కూడా చదవండి

Mobile Tariffs Hike: ద్రవ్యోల్బణంతో ఛార్జీల మోతకు సిద్ధమౌతున్న టెలికాం ఆపరేటర్లు.. ఎంతంటే..